Túrkistandaǵy kórmege Elbasy syıǵa tartqan Quran kitaptary qoıyldy

ShYMKENT. QazAqparat - Túrkistandaǵy «Áziret Sultan» memlekettik tarıhı-mádenı  qoryq-mýzeıinde «Eli súıgen, Elin súıgen - Elbasy»  atty kórmeniń ashylýy ótti, dep habarlaıdy QazAqparat tilshisi.

Shara QR Tuńǵysh Prezıdenti kúnine oraı uıymdastyryldy.

Oǵan Elbasy Nursultan Nazarbaevtyń Dneprodzerjınsk tehnıkalyq ýchılışesinde birge oqyǵan kýrstasy Ásetýlla Kárimov pen Q.A.ıAsaýı atyndaǵy Halyqaralyq qazaq-túrik ýnıversıtetiniń professory, Elbasytanýshy Seıdolla Sadyqov, oblystyq máslıhat depýtattary men qalalalyq ardagerler keńesi jáne aqsaqaldar alqasynyń tóraǵalary qatysty.
 

Tarıhı tanymǵa toly kórmede "Əziret Sultan" qoryq-mýzeıi qorynan 100-ge jýyq qundy dúnıeler kópshilik nazaryna usynyldy. Olardyń arasynda Nursultan Nazarbaevtyń Qazaq KSR Mınıstrler keńesiniń tóraǵasy bolyp turǵan tustaǵy, sondaı-aq egemendi, táýelsiz Qazaqstannyń Prezıdenti etip saılanǵan kezdegi fotosýretteri bar. Sonymen qatar birqatar baýyrlas memleketter basshylarynyń Túrkistandaǵy resmı keńesteri kezinde túsirilgen sýretter qoıylǵan. Budan bólek, Elbasynyń murajaıǵa syıǵa tartqan Quran kitaptary men qazaq, orys, aǵylshyn, túrik tilderinde jaryq kórgen «Ǵasyrlar toǵysynda», «Tarıh tolqynynda», «Syndarly on jyl», «Qazaqstan joly»,  «Kazahstanskıı pýt», «Beıbitshilik kindigi», «Týǵan elim - tiregim», «Evrazııskıı Soıýz ıdeı, praktıka ı perspektıvy», «Kutup Yildizi», «Nursultan Nazarbayev» atty týyndylaryn kórýge bolady.