Túrkistandaǵy kórmede Elbasy týraly 350-den astam derek usynyldy

TÚRKІSTAN. QazAqparat - Túrkistanda Qazaqstannyń Tuńǵysh Prezıdenti-Elbasy Nursultan Nazarbaevtyń halyq aldynda atqarǵan qyzmetin, elimizdiń jetken jetistikterin kópshilikke keńinen nasıhattaý maqsatynda «Elbasy jáne Qazaqstan» atty kórme ótti, dep habarlaıdy QazAqparat.

Túrkistan oblysy ákiminiń baspasóz qyzmetinen málim etkendeı, onda Elbasyǵa arnalǵan 150-den astam kitap pen 200-den astam estelik maǵlumattar jıyntyǵy qoıyldy.

Іs-sharany ashqan oblystyq Mádenıet jáne tilderdi damytý basqarmasynyń basshysy Nurdáýlet Isabek kórmeniń maqsatyn keń kólemde aıtyp ótse, Elbasymen Temirtaýda birge oqyǵan kýrstasy Ásetýlla Karımov pen jas aqyn Muqaǵalı Kenjetaıuly eldi damýdyń dańǵyl jolyna bastaǵan Elbasynyń uly isterine toqtaldy.

«Kórmede N.Nazarbaevtyń ómiri men eńbek joly, halyq aldynda atqarǵan qyzmetteri men elimizdiń jetistikteri keń kólemde qamtylǵan. Olardyń ishinde Elbasyǵa arnalǵan kitaptar, qyzmeti týraly qujattar, fotomaterıaldar jáne jeke qoldanǵan zattary bar. Іs-sharaǵa zııaly qaýym ókilderi men ardagerler, stýdentter, mádenıet, bilim salalarynyń qyzmetkerleri men BAQ ókilderi qatysty. Ónerpaz jastar Elbasyna arnalǵan ánderdi oryndap, kópshiliktiń qoshemetine bólendi», - delingen baspasóz baıanynda.