Túrkistandaǵy festıvalde 500 keli palaý tegin taratyldy
00:45, 13 Jeltoqsan 2022
TÚRKІSTAN. QazAqparat- Túrkistanda 500 keli palaý tegin taratyldy, dep habarlaıdy QazAqparat tilshisi.
Túrkistan qalasyndaǵy ekobazarda palaýshylar festıvali ótti. Onda ár birinde 50 keliden 10 qazan palaý daıyndalyp, halyqqa tegin taratyldy. Palaý basqan aspazdar ózara myqtyny anyqtady.
Ekobazar basshylyǵy uıymdastyrǵan is sharaǵa ózge de kásipkerler qoldaý kórsetken. Al aspazdar ishinde shet elden kelgenderi de boldy.
Saıys qorytyndysynda túrkistandyqtar birinshi oryndy jeńip alyp, 500 keli kúrish pen 20 lıtr kúnbaǵys maıyna ıe boldy. Al ekinshi oryn Ózbekstandyq aspazdarǵa buıyrdy. Olarǵa 250 keli kúrish pen 10 lıtr kúnbaǵys maıy berildi. Úshinshi oryndy Shymkent palaýshylary ıelenip, 100 keli kúrish pen 5 lıtr kúnbaǵys maıyn aldy.