Túrkistandaǵy áleýmettik dúkenderde qant 315 teńgeden satylaýda

TÚRKІSTAN. QazAqparat - Túrkistanda áleýmettik mańyzy bar azyq-túlik taýarlarynyń qory jetkilikti, dep habarlaıdy QazAqparat tilshisi.

Sońǵy statıstıkalyq málimetke sáıkes Túrkistan qalasynda taýyq eti, qyryqqabat, sábiz jáne qumsheker baǵasynyń ósýi baıqalǵan. Al, qalǵan 13 taýar (nan, jarma ónimderi, qaraqumyq, qartop, qunbaǵys maıy, sary maı, pııaz, kúrish, jumyrtqa, aıran, súzbe, sıyr eti, tuz) boıynsha jaǵdaı turaqty.

Túrkistan oblysy ákiminiń baspasóz qyzmeti óńirge qant tolyǵymen ımporttalatynyn habarlady. «Aınalym shemasy» boıynsha kásipkerlik sýbektilerine qoldaý kórsetildi. Jalpy óńirde 138 tonna qor bar.

Áleýmettik dúkender men saýda oryndaryndaǵy áleýmettik buryshtarda 1 keli qant 315 teńgeden satylýda. «Aınalym shemasy» boıynsha kásipkerlik sýbektilerine kórseetilgen qoldaý esebinen qyryqqabattyń 246 tonna qory saqtaýly.

Al sábizdiń t uraqtandyrý qorynda 875 tonnasy bar, qazir kelisi 100 teńgeden saýdalanyp jatyr.

Taýyq eti de jetkilikti.

Monopolııaǵa qarsy retteý sheńberinde monopolııaǵa qarsy komplaenstiń 13 syrtqy aktisi túzildi. Sondaı-aq áleýmettik mańyzy bar azyq-túlik taýarlary baǵasynyń negizsiz ósýiniń aldyn alý maqsatynda iri saýda oryndary men dúkender jáne ámbebap bazarlarmen oblys kóleminde 1 098 memorandým jasalǵan.