Túrkistandaǵy 12 aýyldyq okrýg Kentaý qalasynyń aýmaǵyna ótedi
Oblystyq máslıhattyń kezekten tys HHVІІІ sessııasynda málim bolǵandaı, Túrkistan qalasyndaǵy 721 myń gektar aýmaq jer, ıaǵnı, 12 aýyldyq okrýg Kentaý qalasynyń aýmaǵyna ótetin boldy. Mundaı usynysty máslıhat depýtattary biraýyzdan qoldady.
Kún tártibindegi qaralǵan birinshi másele jaıly oıyn bildirgen óńir basshysy Janseıit Túımebaev barsha oblys jurtshylyǵyn qos shahardyń damyp, órkendeýine bir kisideı atsalysýǵa shaqyrdy.
«Túrkistan qalasy oblys ortalyǵyna aınalýyna oraı, Kentaý qalasynyń shekarasy ózgeretin boldy. Mundaı sheshim eki qalanyń tıisti deńgeıde damýy úshin jasalyp, barlyq memlekettik organdarmen maquldandy. Sonymen birge, halyq qalaýlylarynyń kelisimi nátıjesinde qabyldanyp otyr. Sondyqtan, oblys turǵyndaryn Túrkistan qalasy men keńeıgen Kentaýdy kórkeıtýge birge atsalysýǵa shaqyramyn», - dedi Janseıit Túımebaev.