Túrkistanda jylytý maýsymyna daıyndyq qalaı júrip jatyr

TÚRKІSTAN. QazAqparat – Túrkistan qalasynda jylytý maýsymyna daıyndyq jumystary qarqyndy júrgizilýde. Oblys ortalyǵyndaǵy osy ýaqytqa deıin qatty otynmen jumys istep kelgen qýaty 40 Gkal bolatyn qazandyqty tabıǵı gazǵa aýystyrý jumystary aıaqtalýǵa jaqyn, dep habarlaıdy QazAqparat tilshisi.

Qaladaǵy qazandyqta qazir montajdaý jumystary júrgizilip jatyr. Qazandyq 1 qazanǵa deıin paıdalanýǵa beriledi dep josparlanǵan.

Oblystyq energetıka jáne turǵyn úı kommýnaldyq sharýashylyq basqarmasynyń málimetinshe, óńirde 2020-2021 jylǵy jylytý maýsymyna daıyndyq jumystary josparǵa saı júrgizilýde.

Jylytý maýsymyna deıin Otyrar móltek aýdanyndaǵy №2-shi qazandyqty keńeıtiledi jáne ákimshilik iskerlik ortalyqta boı kóterip jatqan turǵyn úılerge jylý beretin 5 jeke qazandyq ornatylmaq.

Sondaı-aq, jylý júıesin júrgizý jumystaryn aıaqtaý kózdelgen. Budan bólek, aımaq basshysy Ómirzaq Shókeevtiń tapsyrmasy boıynsha turǵyndar arasynda úıler men ózge de nysandardy tabıǵı gazǵa kóshirýdiń tıimdiligi jóninde túsindirme jumysy júrgizilýde.