Túrkistanda jumys taýyp beremin dep 10 turǵyndy aldaǵan alaıaq ustaldy

TÚRKІSTAN. QazAqparat - Jedel-izdestirý sharalaryn júrgizý barysynda Túrkistan oblysy men Shymkent qalasy aýmaǵynda ınternet-alaıaqtyqtyń 10 deregine qatysy bar turǵyn anyqtaldy, dep habarlaıdy QazAqparat.

ІІM málimetinshe, kúdikti áleýmettik jelige «vahtalyq jumysqa turǵyzyp beremin» degen jarnama salyp, jábirlenýshilerdiń senimine kirgen. Sodan turǵyndardyń aqshasyn alyp, óziniń tanystarynyń esepshotyna aýdartyp otyrǵan.

«Keltirilgen shyǵyn 1,2 mln teńgeni quraıdy.

Atalǵan jaıt QR Qylmystyq kodeksiniń 190-baby 2-bóligi «Alaıaqtyq» boıynsha tirkelgen. Sotqa deıingi tergeý amaldary júrgizilip jatyr», - dep jazdy vedomstvodan.