Túrkistanda jol sapasyn nashar teksergen 4 kompanııa lıtsenzııasynan aıyryldy
Ulttyq sapa ortalyǵy birneshe merdigerdiń jumys barysyndaǵy «shalalyǵyn» áshkere etti. Ortalyq ınjenerleri bıyl oblystyq joldarǵa 734 ret tekserýge shyǵyp, 2581 synama alǵan. Onyń 767 normaǵa saı bolmaı shyqty. Bas-aıaǵy 444 aqaý anyqtalǵan.
Nátıjesinde merdigerler 328 mln 966 myń teńgeniń jumysyn qaıta isteýge týra kelgen. Aıtalyq, 37 myń sharshy metr joldyń negizgi qabaty qaıta salynyp, 70 myń sharshy asfalt qaıta tóselgen. 25 myń sharshy metrge jýyq jol tósemi tegisteldi. Ulttyq sapa ortalyǵynyń Túrkistan oblystyq fılıaly mamandary qurylys jumystaryna nemquraıly qaraǵan tehnıkalyq qadaǵalaýshylardy da anyqtap, óńirlik sáýlet jáne qalaqurylysy basqarmasyna 7 birdeı hat joldaǵan. Osynyń saldarynan 4 tehqadaǵalaýshy kompanııa lıtsenzııasynan aıryldy.
Eske alsaq, buǵan deıin Shymkentte qar jaýyp jatqanda asfalt tóselgeni týraly habarlaǵan bolatynbyz.