Túrkistanda jasyryn tsehtan 8 tonna kir jýǵysh untaq tárkilendi

ASTANA. QazAqparat - Túrkistanda polıtseıler jerasty tsehyn anyqtap, odan 8 tonnadan astam kir jýǵysh zatyn tárkiledi, – dep habarlaıdy QazAqparat Polisia.kz saıtyna silteme jasap.

Túrkistan oblysy Polıtsııa departamenti Uıymdasqan qylmysqa qarsy kúres basqarmasynyń qyzmetkerleri jedel-izdestirý is-sharalary barysynda Túrkistan qalasynda kontrafaktilik ónim daıyndaý jerasty tsehyn anyqtap, onyń qyzmetine tosqaýyl qoıdy.

Bul jaıt QR QK-niń 222-baby 1-bóligi (Taýar belgisin, qyzmet kórsetý belgisin, fırmalyq ataýyn, geografııalyq kórsetkishin jáne taýar shyǵarylǵan jerdiń ataýyn zańsyz paıdalaný) boıynsha tirkeýge alyndy.

Nátıjesinde polıtseıler tórt er azamatty anyqtady. Onyń biri kontrafaktilik ónim daıyndaýdy uıymdastyrýshy - Túrkistan qalasynyń turǵyny bolsa, qalǵan ekeýi de Túrkistan qalasynyń turǵyndary jáne bir Ózbekstan azamaty bar. Jedel ýákilder atalmysh úıdiń aýlasyn tintý kezinde 40 keli qaptarǵa oralǵan untaq zatty tapty, olardyń sany shamamen 200 dana bolǵan.

Sonymen qatar elektrondy tarazylar, tyǵyzdaǵysh mashınalar jáne basqa da zattaı dáleldemeler tárkilendi. Untaq zattyń jalpy salmaǵy segiz tonnadan asty. Atalǵan adamdar qaptaǵy untaqtardy polıetılen paketterge shamalap salyp, ıaǵnı «Ariel», «Mıf», «Tide» jáne «Persil» sııaqty kir jýǵysh zattardyń belgili brendterin qoldan jasaǵan. Polıtseıler jınaqtalǵan materıaldardy sheshim qabyldaý úshin Túrkistan oblysy boıynsha Ekonomıkalyq tergeý departamentine joldady.

Foto: t.me/POLICE_of_KZ