Túrkistanda jastar latyn álipbıine kóshý jaıyn sóz etti

ShYMKENT. QazAqparat  - Túrkistandaǵy Halyqaralyq qazaq-túrik ýnıversıtetiniń stýdentteri fılologııa ǵylymdarynyń doktory, professor Álimhan Júsipbekpen kezdesip, latyn álipbıine kóshý tóńireginde áńgime qozǵady, dep habarlaıdy QazAqparat tilshisi. 

Elbasy N. Nazarbaevtyń «Bolashaqqa baǵdar: rýhanı jańǵyrý» maqalasy aıasynda uıymdastyrylǵan kezdesýde jastar Ahmet Baıtursynov atyndaǵy Til bilimi ınstıtýtynyń bas ǵylymı qyzmetkerine  qazaq eliniń latyn álipbıine kóshý bastamasy boıynsha túrli saýaldaryn qoıdy. Maqalada ekshelgen latyn qarpine kóshý týraly ıdeıany túrkistandyq stýdentter qoldaıtyndaryn aıtyp, resmı túrde bekitilgen jańa alfavıt kóptiń kóńilinen shyqqanyn atap ótti.

«Latyn álipbıiniń qabyldanýy - istiń bastaýy ǵana. Ony túbegeıli júzege asyryp, qoldanysqa engizý jolynda qyrýar sharýa atqarylady. Sondyqtan da jańa baǵytta, jańa kózqaraspen ómir súrip, qoǵamǵa latyn álipbıiniń ómirsheńdigin uqtyrý - jas mamandardyń qolynda», - dedi professor Álimhan Júsipbek .

Onyń sózinshe, álipbı - tildiń dybys quramy, tańba - dybystyń qaýyzy. Al, emle men ereje álipbı men tańbanyń ulttyq dánekeri. Olaı bolsa, álipbı tańbasy men erejesi úılesken jazý til derbestiginiń kepili bolmaq. Jıynda bas qosqandar osyndaı paıym jasady.