Túrkistanda jańadan 20 áleýmettik dúken ashylady
Búgingi kúni Túrkistan qalasynyń aýmaǵynda 5 iri saýda úıinde jasaqtalǵan áleýmettik buryshtar men 13 áleýmettik dúken turǵyndarǵa qyzmet kórsetip keledi. Baǵa turaqtylyǵyn qamtamasyz etý maqsatynda áleýmettik dúkender sany taǵy da kóbeıtilmek.
- Biz kásipkerdiń de, tutynýshynyń da quqyǵyn qurmetteýge tıispiz. Kásipkerlerge ákimdik tarapynan zań aıasynda barlyq qoldaýdy kórsetýge daıynbyz. Alaıda, kásipkerlerdi taýar baǵasyn belgileýde asyra silteýge jol bermeýge shaqyramyn, - deıdi qala ákimi Nurbol Turashbekov.
Al, Túrkistan oblystyq básekelestikti qorǵaý departamenti basshysynyń orynbasary Danabek Mahatov áleýmettik mańyzy bar azyq-túlik baǵalaryn turaqtandyrý boıynsha birshama jumystar atqarylyp jatqanyn aıtyp ótti. Ásirese, nan baǵasyn ósirmeý úshin kásipkerlerge suranys hattar joldanyp, taldaý jasalǵan. Taýar óndirýshilerge negizsiz baǵany ósirgen jaǵdaıda zań aıasynda shara kóriletini eskertilgen. Sondaı-aq, bazarlardaǵy deldaldyqty, ıaǵnı taýar óndirýshi men tutynýshyǵa deıingi kedergilerdi joıý máselesi de qolǵa alynǵan.
Jalpy, jaqynda jumysyn bastaǵan eko-bazar da baǵa turaqtylyǵyna oń áserin tıgizedi dep kútilýde. Jyl basynan beri munda 10 ret jármeńke ótip, 30,1 tn. taýar satylǵan.