Túrkistanda úıiniń aýlasynda «Betashar» jasaǵan turǵynǵa aıyppul salynbaq

TÚRKІSTAN. QazAqparat - Túrkistan oblysynda úıiniń aýlasynda toı jasaǵan turǵyn anyqtaldy, dep habarlaıdy QazAqparat Polıtsııa departamentine silteme jasap habarlaıdy.

Búgingi tańda karantın talaptaryn saqtamaı, shekteý sharalaryn elemeıtinder qatary azaıar emes. Jaqyndary men týystarynyń basyn qosyp, kópshilikke toı berip, jıyn jasap jatqandar áli de anyqtalýda.

Máselen, Maqtaaral APB-niń poolıtseıleri karantın talaptaryn óreskel buzǵan jergilikti turǵyndy anyqtady. Ol óz úıiniń aýlasynda 50-ge jýyq týystarynyń basyn qaýip-qaterge tigip, «Betashar» toıyn ótkizgen. Tártip saqshylary atalǵan jaıt boıynsha QR ÁQBtK-niń 425-babymen «Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» tirkeýge alyp, is-qujattardy jınaqtap, zańdy sheshim qabyldaý úshin tıisti mekemege joldady.