Túrkistanda «Uly jibek joly – uly mura» halyqaralyq forýmy ótip jatyr
Keleli jıynǵa Vengrııa, Taıland, Nıderlandy, Frantsııa, AQSh, Ońtústik Koreıa, Tájikstan, Portýgalııa, Serbııa, Aýǵanstan, Soltústik Makedonııa, Brazılııa, Lıtva, Estonııa, Ózbekstan elderiniń ókilderi qatysýda. Basqosýda QR Mádenıet jáne sport mınıstri Aqtoty Raıymqulova týrızm salasynyń óńir ekonomıkasyna qosqan úlesi artyp keletinin atap ótti. Osy rette Halyqaralyq týrızm jáne qonaqjaılylyq ýnıversıteti kásibı oqytylǵan kadrlarmen qamtamasyz etip, bul salanyń órkendeýine yqpal etetinin jetkizdi. Sondaı-aq mınıstr Túrkistan oblysynyń ákimdigi men Ómirzaq Shókeevke, Ózbekstan Premer-mınıstriniń orynbasary – týrızm jáne sport mınıstri Azız Abdýhakımov bastaǵan ózbek delegatsııasyna, ıÝNVTO jáne ıÝNESKO iri halyqaralyq uıymdardyń mamandaryna, sondaı-aq forýmnyń basqa da qatysýshylaryna alǵysyn bildirip, elimizdiń basty ulttyq merekesi - Táýelsizdiktiń 30 jyldyǵyn merekeleý aıasynda ótkizilip otyrǵan atalmysh is-sharanyń mańyzdylyǵyn atap ótti. Halyqaralyq forýmda sóz alǵan Túrkistan oblysynyń ákimi kúlli túrki áleminiń rýhanı astanasy – Túrkistanda týrızmniń birneshe baǵytyna basymdyq beriletinin aıtty.
«Túrkistannyń damýy – Elbasynyń nazarynda. Elimizdiń Tuńǵysh Prezıdentiniń kúndelikti baqylaýynyń arqasynda, Memleket basshysynyń qoldaýymen qurylys jumystary qarqyndy júrip jatyr. Búgingi shara eń aldymen, ekijaqty jáne kópjaqty yntymaqtastyqty odan ári nyǵaıtýǵa baǵyttalǵan. ıAsaýı kesenesine zııarat etip kelýshiler sany kún saıyn artyp, 1 mln-nan asty. Aldaǵy ýaqytta olardyń qatary 5 mln-ǵa jetedi. Qasıetti mekende arheologııalyq týrızm, etnotýrızm sekildi týrızmniń kóptegen túrlerin damytýǵa múmkindik bar», - dedi Túrkistan oblysynyń ákimi Ómirzaq Shókeev.
Ǵasyrlar boıy Qazaq handyǵynyń saıası jáne rýhanı ómiriniń júregi bolǵan shahar búginde qarqyndy damyp, ony búkil álem baqylap otyr. Al, bul rette týrızm salasyn damytýǵa erekshe kóńil bólinip jatyr. Sońǵy jyldary qalada myńdaǵan jumys oryndary ashyldy. Mysaly, «Kerýen-Saraı» kópfýnktsıonaldy kesheniniń ózinde turaqty túrde tórt myńnan astam adam eńbek etedi. Egemendik jyldary el Úkimeti tarıhı-mádenı mura nysandaryn zertteý, saqtaý jáne dáripteý jolynda aýqymdy jumys júrgizgeni belgili. Týrızm salasyndaǵy strategııalyq jáne baǵdarlamalyq qujattar ázirlenip, qabyldandy jáne normatıvtik-quqyqtyq baza jetildirildi.
«Jaqynda ǵana zańnamalyq ózgerister qabyldanyp, týrızm salasynda ınvestorlar men kásipkerler úshin keń aýqymdy múmkindikter beretin júıeli sharalar engizildi. Bul sharalar 2019 jyly qabyldanǵan memlekettik baǵdarlamany tolyqtyrady. Onyń aıasynda qasıetti Túrkistan qalasyna kiretin TOP-10 týrıstik destınatsııany damytý kózdeldi», - dep atap ótti forýmnyń moderatory, QR Mádenıet jáne sport vıtse-mınıstri Ǵabıdolla Ábdirahymov.
Forým aıasynda qatysýshylar óńiraralyq jáne halyqaralyq kooperatsııanyń jańa nysandaryn damytý, ásirese transshekaralyq baǵyttardy qurý máselelerin talqylady. Al kezdesý qorytyndysy boıynsha qazaqstandyq jáne ózbek týroperatorlary arasynda Uly Jibek joly boıynda jańa týrıstik ónimderdi qalyptastyrý boıynsha yntymaqtastyq týraly birqatar memorandýmdarǵa qol qoıyldy. Transshekaralyq marshrýttardyń geografııasyn odan ári keńeıtý maqsatynda qatysýshylar aldaǵy ýaqytta TOP-10 kiretin basqa destınatsııalarda, mysaly, Aqtaý nemese Býrabaı syndy kýrorttyq aımaqtarda da osyndaı kezdesýler ótkizbek. Forýmnyń qorytyndy bóliminde tanymal qazaqstandyq kaskader Jaıdarbek Kúnǵojınov pen alpınıster quramasynyń kapıtany Maqsut Jumaevqa QR Týrızm elshileriniń arnaıy belgileri tabys etildi.