Túrkistanda «Ult kóshbasshysy – el maqtanyshy» atty ádebı kesh ótti

TÚRKІSTAN. QazAqparat – Túrkistan qalasyndaǵy N.Tórequlov mýzeıinde Qazaqstan Respýblıkasynyń Tuńǵysh Prezıdenti kúnine arnalǵan «Meniń Elbasym» jáne «Ult kóshbasshysy – el maqtanyshy» atty mádenı ádebı sazdy kesh ótti, dep habarlaıdy QazAqparat tilshisi.

Ult kóshbasshysyn ulyqtap, bastaǵan ıgi isterin qoldaý maqsatynda uıymdastyrylǵan basqosýda Tuńǵyg Prezıdenttiń mereıin asqaqtaldy. El eńsesin tiktegen kezden bastap memleketimizdiń damýyna súbeli úles qosqan Elbasyn álem moıyndaǵany, Qazaqstannyń jahanǵa aty jetken memleketke aınalǵany sóz boldy. Kesh barysynda Ardagerler keńesiniń tóraǵasy Jarqynbek Qulbaıymbet, Názir Tórequlov mýzeıiniń dırektory Baqytjan Jorabek sóz sóılep, mundaı sharalardy jıi uıymdastyrý kerek ekendigin tilge tıek etti. Aıtýly merekede Balalar men jasóspirimder ortalyǵynyń oqýshylary Elbasyǵa arnalǵan arnaý óleńderin jatqa oqydy. Aldaǵy ýaqytta bul shara «Ult kóshbasshysy – El maqtanyshy», «Elbasynyń eren eńbekteri», «Elin súıgen, Eli súıgen Elbasy», «Elbasy joly – Astana», «Meniń Elbasym» syndy aptalyq keshtermen jalǵasyn tabatyn boldy.