Túrkistanda Túrki keńesi jas kóshbasshylarynyń forýmy bastaldy
Qoja Ahmet ıAsaýı atyndaǵy Halyqaralyq qazaq-túrik ýnıversıtetinde ótken forýmnyń ashylý saltanatyna QR Aqparat jáne qoǵamdyq damý mınıstrliginiń Jastar jáne otbasy isteri jónindegi komıtet tóraǵasy Madııar Qojahmet pen Túrkistan oblysy ákiminiń orynbasary Málik Otarbaev, TUGVA Túrkııa Respýblıkasy Jastar qorynyń prezıdenti E.Emınoglý men Islam yntymaqtastyǵy Jastar forýmynyń prezıdenti T.Aıhan qatysty.
Óńirdiń damýy men jastar saıasatyn damytý barysynda tájirıbe almasý maqsatynda uıymdastyrylǵan basqosýda oblystyń týrıstik áleýetin arttyrýǵa qosymsha serpin berý, túrkitildes ulttar arasyndaǵy baýyrlastyq baılanys pen dostyq qarym-qatynasty damytý jaıy sóz boldy. Forým aıasynda jastardyń erkin taqyrypta keshki kezdesýleri, «Opentalks» formatyndaǵy sektsııalyq jumystar, qatysýshy delegattardyń Túrkistan óńiriniń tarıhı jáne kıeli oryndaryna ekskýrsııasy uıymdastyrylmaq.
Sondaı-aq, Túrki keńesi jas kóshbasshylarynyń ІІ forýmynyń ashylý sharasynda Túrki jastarynyń saltanatty sherýi jáne «Túrkistanǵa oralý» atty etno-óner festıvali bastaldy. Tuńǵysh ret uıymdastyrylyp otyrǵan etno-óner sharasy túrkikitildes ulttar arasyndaǵy baýyrlastyq baılanys pen dostyqty nyǵaıtý maqsatynda ótti. Túrkilik mádenıet pen ónerdi urpaqtan urpaqqa dáripteý, qazaq jáne túrkitildes halyqtardyń dástúrli mýzykasyn jan-jaqty jetkizýdi kózdeıdi. Festıval barysynda túrkitildes halyqtardyń etnofolklorlyq ansamblderi men dástúrli oryndaýshylar, ulttyq aspapta jeke oryndaýshylar óner kórsetedi.
Baýyrlas elderdiń basyn qosqan aýqymdy sharada jınalǵan qonaqtar Túrki halyqtarynyń qoldanbaly óner kórmesin tamashalady.