Túrkistanda túrki áleminiń aqparat keńistigine arnalǵan halyqaralyq medıaforým ótýde

ASTANA. QazAqparat - Búgin Ońtústik Qazaqstan oblysynda «Túrkistan - Túrki áleminiń mádenı astanasy» aıasynda «Túrki álemi jáne aqparattyq keńistik» atty taqyrypta halyqaralyq medıaforým óz jumysyn bastady. Jıynǵa Túrkııa, Ázerbaıjan, Ózbekstan, Qyrǵyzstan, Qazaqstan jáne Bashqurtstan elderiniń iri buqaralyq aqparat quraldarynyń basshylary kelip otyr. Olardyń arasynda «Anadoly» agenttiginiń, NTV, «TRT Avaz», «Ataıýrt», «QazAqparat» HAA, Qazaq radıosy sekildi túrkitildes memleketterdiń iri BAQ ókilderi de bar, dep habarlaıdy «QazAqparat» HAA. 

Toqtala ketetin jaıt, Elbasynyń «Bolashaqqa baǵdar: Rýhanı jańǵyrý»  atty baǵdarlamalyq maqalasynda Qazaqstannyń kıeli jerler geografııasy týraly aıtylǵan bolatyn. Osyǵan baılanysty uıymdastyrýshylar forýmdy Elbasynyń maqalasyndaǵy osy máselemen de ushtastyryp, baýyrlas elderden kelgen azamattardy ońtústiktiń kıeli, tarıhı jerlerimen tanystyrýdy nıet etken. Jıynnyń alǵashqy kúninde medıaforýmǵa qatysýshylar Ońtústik Qazaqstan oblysynyń Saıram, Otyrar, Arystan Bab, Qoja Ahmet ıAsaýı kesenesi sekildi birqatar kıeli jerlerdi aralady.

Erteń medıaforým óz jumysyn Túrkistan qalasynda jalǵastyratyn bolady. Sharany Ońtústik Qazaqstan oblysynyń ákimdigi Halyqaralyq Túrki akademııasymen birlesip ótkizýde.

Eske sala keteıik, 2017 jyl «Túrkistan - Túrki áleminiń mádenı astanasy» retinde jarııalanǵan bolatyn. Al túrki áleminiń mádenı astanalary aıasynda túrki áleminiń ortaq aqparattyq keńistigin qalyptastyrý máselesi de udaıy kóterilip keledi. Bul joba túrkitildes memleketterdiń yntymaqtastyǵyn nyǵaıtyp, halyqtardy jaqyndastyryp, ortaq mádenıet pen órkenıet qalyptastyrýǵa yqpalyn tıgizeri sózsiz.