Túrkistanda túrki álemi teatrlarynyń halyqaralyq festıvali bastaldy
Túrki álemi óner ujymdarynyń basyn qosqan sharaǵa Ońtústik Qazaqstan oblysynyń 6 teatry men Astana qalasynyń Jastar teatry, Pavlodar oblysy jáne Qyrǵyzstan, Ózbekstan elderiniń sahna sańlaqtary qatysýda, dep habarlaıdy QazAqparat HAA tilshisi.
Túrki elderi úshin mańyzdy sanalatyn sharany J.Aımaýytov atyndaǵy Pavlodar oblystyq qazaq mýzyka drama teatry Jumat Shanınniń «Arqalyq batyr» tarıhı dramasymen ashty. Al, Raıymbek Seıtmetov atyndaǵy Túrkistan sazdy-drama teatry G.Hýgaevtyń«Qara shekpen» ápsanasyn sahnalady. TÚRKSOI halyqaralyq uıymy men Ońtústik Qazaqstan oblysy ákimdigi jáne oblystyq mádenıet basqarmasy uıymdastyrǵan shara túrkitildes ulttar arasyndaǵy baýyrlastyq baılanystar men dostyqty nyǵaıtyp, túrkilik mádenıet pen ónerdi urpaqtan urpaqqa jetkizý maqsatynda ótkizilip otyr. Sondaı-aq kásibı teatrlardyń ónerin nasıhattap, túrki álemi teatrlarynyń basshylary keńesiniń májilisin ótkizýge, bir-birimen is-tájirıbe almasý jáne tyǵyz qarym-qatynasta bolýyna yqpal etetin bolady.
Aıta keteıik, teatrlar baıqaýy 21 sáýirge deıin oblystyq teatr sahnalarynda qoıylyp, jeńimpazdar anyqtalatyn bolady. Halyqaralyq sharanyń jabylý saltanaty J.Shanın atyndaǵy akademııalyq qazaq drama teatrynda ótedi dep kútilýde.