Túrkistanda turǵyn úıler men mekemelerge jylý berile bastady
Túrkistan qalasynyń aýmaǵyndaǵy barlyq jylý qazandyqtary iske qosyldy.
Qazirgi tańda oblys ortalyǵynda 40 579 abonent bar. «Jylý» memlekettik kommýnaldyq kásiporny tarapynan qaladaǵy І móltek aýdanda kópqabatty 58 úı, ІІ móltek aýdanda 15 úı, TGJD aýmaǵynda 2 úı ortalyq jylý júıesimen qamtamasyz etilgen.
Sonymen qatar, «Otyrar» móltek aýdanynda 38, ákimshilik isker ortalyǵynda 14, jalpy 127 kópqabatty turǵyn úı ortalyqtandyrylǵan jylý júıesi arqyly jylytylady.
Budan bólek, І móltek aýdandaǵy 28 bıýdjettik, 55 kásipkerlik, 52 jer telimdi turǵyn úıler men mádenı, rýhanı ortalyqtaǵy 11 nysanǵa jylý berildi.
Sondaı-aq, Kentaý qalasynda da jylý ortalyǵy iske qosyldy. Qazirgi tańda kópqabatty turǵyn úıler men áleýmettik nysandarǵa jylý berý jumystary júrip jatyr.