Túrkistanda tótenshe jaǵdaı qyzmetkerleri jańa kólikke ıe boldy

TÚRKІSTAN. QazAqparat - QR Táýelsizdiginiń 27 jyldyǵy merekesi qarsańynda Túrkistan oblysyndaǵy tótenshe jaǵdaı departamentiniń qyzmetkerleri qajetti tehnıkalarmen jaraqtandyryldy, dep habarlaıdy QazAqparat tilshisi.

Oblys ortalyǵynyń «Esimhan» alańynda uıymdastyrylǵan sharada aımaq basshysy Janseıit Túımebaev órt sóndirý jáne avarııalyq-qutqarý jumystary qyzmetine 20 kóliktiń kiltin tabystap, elimizdiń basty meıramymen quttyqtady.

«Óz ómirlerińizdi qaýipke tóndire otyryp, azamattarymyzdyń qaýipsizdigin birinshi orynǵa qoıǵan qıyn kásipterińizde Sizderge de qurmetimiz aıryqsha. Búgingi Ózderińizge tabystalyp otyrǵan tehnıkalar turǵyndardy aıtyp kelmeıtin tótenshe jaǵdaılardan saqtap qalýǵa sep bolsa, bizdiń maqsatymyzdyń oryndalǵany dep bilemin», - dedi Janseıit Túımebaev.

Aıta keteıik, qazirgi tańda Túrkistandaǵy órt sóndirý jáne avarııalyq-qutqarý jumystary qyzmetinde 139 birlik órt sóndirý tehnıkasy bar. Onyń 96-sy negizgi órt sóndirý avtokóligi,  75-i  sońǵy 20 jyldan astam ýaqyttan beri paıdalanylyp keledi. Al bekitilgen normalarǵa sáıkes, 78 - negizgi, 51 - arnaıy jáne 140 - kómekshi avtokólikter bolýy tıis.