Túrkistanda Táýelsizdik kúni 200-ge jýyq sábı dúnıege keldi

TÚRKІSTAN. QazAqparat - Elimizde bala týý kórsetkishi boıynsha Túrkistan oblysy kósh bastap tur, -dep habarlaıdy QazAqparat tilshisi.

16 jeltoqsanda Túrkistan oblysynda 173 sábı dúnıege keldi. Sonyń ishinde 85 ul bala bolsa, 88-i — qyz bala. Búginde náresteler men analardyń jaǵdaıy jaqsy.

Al, Túrkistan qalasyndaǵy №3 oblystyq perınataldy ortalyǵynda 36 sábı dúnıege kelgen. Olardyń 17-si ul, 19-y qyz.

Jas analarǵa Túrkistan qalasynyń ákimi Nurbol Turashbekovtyń atynan arnaıy syılyqtar tabys etildi.

Aıta keteıik, mereke kúni kezekshi aýysymda náreste men anaǵa kútim jasaıtyn joǵary bilikti dárigerler, tájirıbeli akýsherler men medbıkeler jumystaryn joǵary deńgeıde atqarýda.