Túrkistanda tarıhı oryndar jaıly málimet beretin mobıldik qosymsha iske qosyldy

TÚRKІSTAN. QazAqparat - Túrkistanda Qoja Ahmet ıAsaýı kesenesi men tarıhı tulǵalar jáne kıeli oryndar jaıly málimet alatyn mobıldik qosymsha iske qosyldy. Android platformalaryna arnalǵan qosymsha QR Mádenıet jáne sport mınıstrligine qarasty «Áziret Sultan» memlekettik tarıhı-mádenı qoryq-mýzeıine tıesili, dep habarlaıdy QazAqparat tilshisi.

Qosymshany qoldanýshylar ǵasyrlar eleginen ótip, búgingi kúnge jetken kóne ári tarıhı qundy jədigerlermen tanysa alady. Olardy saqtaý men qorǵaý, qaıta qalpyna keltirý jumystaryn 3D-týr arqyly tamashalaý múmkindigine ıe. Sondaı-aq, qoryq-mýzeıge qarasty tarıhı-mádenı jáne rýhanı oryndarmen, mınıstrlik jańalyqtary men mýzeıdiń atqaryp jatqan jumystary jónindegi aqparattardy bile alady. Mýzeıdiń dırektorymen blogy arqyly baılanys ornatyp, onda túsetin qarjy jáne qonaqtarǵa kórsetiletin qyzmetter jaıly málimet suraýyna bolady. Sondaı-aq, tarıhı eskertkishter jaıly ǵylymı maqalalardy oqýǵa múmkindik qarastyrylǵan.

Aıta ketsek, «Əziret Sultan» memlekettik tarıhı-mədenı qoryq-murajaıy qorynda 25000 dana qundy tarıhı jədigerler bar. Olardyń arasyndaǵy jazba, arheologııalyq etnografııa jəne nýmızmatıkalyq tobyna jatatyn jədigerler kezdesedi. Al, atalǵan qosymshany Google Play Market arqyly júktep alýǵa bolady.