Túrkistanda Sultanbek Qojanov pen Sattar Erýbaevtyń qoltańbasy saqtalǵan
Túrkistan qalasynda 3 synyptyq orys túzem mektebi bolǵan ǵımarat bar. Q.A.ıAsaýı kesenesiniń qasynda ornalasqan tarıhı nysan 1904 jyldary kúıdirilgen kirpishten salynypty. Sodan 1989 jylǵa deıin 3 synyptyq orys túzem mektebi retinde jumys istegen. Keıinnen Sattar Erýbaev memorıaldyq mýzeıi bolyp ashyldy. Al, 1995 jyly ádebı-mádenı murajaı mártebesine ıe boldy. Munda Sattar Erýbaev pen qatar jergilikti qalamgerlerdiń ádebı muralary jınaqtalǵan. Máselen, Sattar otyrǵan mektep partasy tórgi bólmege qoıylǵan. Onyń jaqtaýyna qoǵam qaıratkeriniń esimi óz qolymen jazylypty. Odan bólek, murajaıda jergilikti turǵyndar tartý etken kóne zattar men qolóner sheberleri jasaǵan buıymdar bar.
Al, alash arysy Sultanbek Qojanov jaıynda maǵlumattar óte az. Tek kóshe betindegi tereze jaqtaýynyń tómengi jaǵynda oqýshy qolymen qashap jazylǵan «H. Sý...n» degen jazý ǵana saqtalypty. Jergilikti turǵyndar bul 1910 jyly atalǵan mektepte bilim alǵan Sultanbek Qojanovtyń qoltańbasy dep biledi.
«Adamnyń qoltańbasyn zertteıtin krıptografııa deıtin ǵylym bar. Munyń anyq-qanyǵyn rásimdep berýdi sol mamandardyń enshisine qaldyraıyq ta, kishkentaı bolsa da, osy bir jádigerimizdi Sultanbektiń kózindeı kórip, keler urpaqqa amanat etip aıtyp júreıik», - deıdi kompozıtor Bekjigit Serdáli.
Bul qoltańbany QR Mádenıet qaıratkeri, Túrkistan qalasynyń Qurmetti azamaty Nurmahan Nazarov taýypty. Nysannyń syrtyna tazartý jumystary júrip jatqan sátte kórip qalǵan. Sodan BAQ arqyly maqalalalar jazyp, qundy dúnıemen kópshilikti tanystyrǵan.
«Jalpy ǵımarat munanda uzyn bolatyn. Túrkistannyń 1500 jyldyq toıynyń qarsańynda jartysy buzylyp ketti. Kesekpen salynǵan tusyn alyp tastap, kúıdirilgen qyshpen qalanǵan jaǵy saqtalyp qaldy. Búginde memleket qaraýyna kóshken arhıtektýralyq eskertkishter qataryna jatady» - deıdi murajaı meńgerýshisi Aqsúmbe Bostan.