Túrkistanda «Smart Turkistan» forýmy ótti

NUR-SULTAN. QazAqparat - Búgin Túrkistan qalasyndaǵy Q.A. ıAsaýı atyndaǵy HQTÝ-da Túrkistan oblysyn tsıfrlandyrý boıynsha «Smart Turkistan» atty forým ótti. Forýmǵa Qazaqstannyń 120-dan asa ІT-qaýymdastyq ókilderi, jergilikti atqarýshy organdardyń ókilderi, sonymen qatar JOO mamandary, úkimettik emes uıymdar, ulttyq kompanııalar, ǵylymı-zertteý ınstıtýttary men bıznes qaýymdastyqtar qatysty.

Jıynda IT-mamandar aqyldy óńirde qalany qurý baǵytyndaǵy ınnovatsııalyq ıdeıalaryn qosyp, Túrkistannyń keleshegin talqylady. Aldymen jıynǵa qatysýshylar Túrkistan qalasyndaǵy jańa Aqyldy qala turǵyn úı keshenderiniń kirpishin qalaý rásimine qatysty. Onda tsıfrlandyrý boıynsha «Platonus» ІT-kompanııasynyń ókili Oljas Turǵambekuly aqyldy qalany qurý men basqarýdyń mańyzdylyǵyna toqtalyp,  óziniń alǵan áserimen bólisti.

«Biz qala turǵyndary úshin yńǵaıly jáne qoljetimdi ınfraqurylymdy jasaıtyn jáne aqyldy qalany qurý men basqarý ıdeıalaryn talqylaıtyn alańǵa keldik. Sebebi,  bizge osy jerde kirpish qalaýymyzdy usyndy.  Bul,árıne,  kútpegen jaıt.  Bolashaqta Aqyldy qala aýmaǵy jańa Túrkistannyń bet-beınesi men kelbetine ózindik áser etetini anyq», - dedi Oljas Turǵymbekuly.
 

Odan keıin shara «Smart Turkistan» forýmymen jalǵasty. Kezdesýde tsıfrlandyrý boıynsha Túrkistan oblysynyń damý tujyrymdamasynyń tanystyrylymy ótti. Sonymen birge, halyqqa qyzmet kórsetýde  memlekettik-jeke seriktestik úlgisi retinde «Vendor Management Office» (VMO) arqyly jumys isteýdiń ashyqtyǵyn engizý jobasy kórsetildi.

Basqosýda Túrkistan oblysy ákiminiń keńesshisi Ulan Tájibaev  forýmnyń Túrkistandy damytý úshin mańyzy zor ekenin jetkizdi.

«Biz esep berý úshin tehnologııalar qurmaımyz. Bizdiń mindet - Túrkistan oblysynyń turǵyndarynyń ómirin jaqsartý.  Mine, osy memlekettik basqarýda adamǵa baǵdarlanǵan tásil qaǵıdasy mańyzdy», - dedi  Ulan Qalmuhanuly.

Sondaı-aq, forým barysynda spıkerler densaýlyq saqtaý, bilim berý, áleýmettik baǵyt, kólik jáne qaýipsizdik, mádenıet, din jáne týrızm, memlekettik basqarý, TÚKSh, aýyl sharýashylyǵy, aqparattyq tehnologııalar men telebaılanystar boıynsha óz ıdeıalaryn ortaǵa salyp, usynystaryn bildirdi.