Túrkistanda saıabaqtardyń jaryǵy sónip, sýburqaqtardyń jumysy toqtady

TÚRKІSTAN. QazAqparat – Túrkistanda búginnen bastap saıabaqtardyń jaryǵy sónip, sýburqaqtardyń jumysy toqtady. Bul jóninde qala ákimi Rashıd Aıýpovtyń tóraǵalyǵymen ótken májiliste sóz boldy, dep habarlaıdy QazAqparat tilshisi

Jıynǵa qatysqan sala mamandardyń aıtýynsha, pnevmonııa aýrýymen aýyrǵandar úshin qoǵamdyq densaýlyq saqtaý basqarmasy tarapynan qosymsha oryn daıyndalyp jatyr.

Odan ózge, memlekettik qyzmet alýdy ońtaılandyrý úshin jańa turǵyn úı aýmaǵynda jáne qalanyń shetki aýmaqtarynda taǵy da Halyqtyq keńseler ashylady.

Sonymen qatar, múmkindigi shekteýli azamattar úshin arnaıy kólik qarastyrylady. Jalpy, Halyqtyq keńse ákimdikke qarasty bólimderde kórsetiletin memlekettik qyzmettermen qatar, jeke jáne zańdy tulǵalardyń ótinishterin qabyldaýda.

Al, daıyn bolǵan qaýly, hattama, aryz-shaǵym jáne ótinish qujattar taratylýda. Máselen, adamı kapıtaldy damytý bólimine qarasty mektepter men balabaqshalarda barlyǵy 51 ózine-ózi qyzmet kórsetý sektorlary bar.

Sondaı-aq densaýlyq saqtaý salasy, ákimdiktiń derbes jer qatynastary, turǵyn úı, sáýlet jáne qala qurylysy, jumyspen qamtý bólimderi ınternet jelilerimen qamtylǵan.

Májiliste shahar basshysy Rashıd Abatuly ár salaǵa jaýapty mamandarǵa naqty tapsyrmalar berdi. Turǵyn úı qatynastary jáne turǵyn úı ınspektsııasy bólimi basshysynyń mindetin atqarýshyǵa zańsyz úı alǵan azamattar bolsa anyqtap, shara qoldanýdy mindettedi.