Túrkistanda satýshysyz dúken áleýmettik tájirıbesi júrgizildi

TÚRKІSTAN. QazAqparat- Oblys ortalyǵy Túrkistan qalasynda «satýshysyz dúken» áleýmettik tájirıbesi júrgizildi, dep habarlaıdy QazAqparat tilshisi.

Ortalyq bazarǵa barar jolǵa ornatylǵan ústel ústine táttiler men sýsyndar qoıyldy. Qasyndaǵy qorapqa «Barlyǵy 200 teńge» dep jazylyp, satýshynyń ornyna bank schety bar telefon nómiri kórsetildi.

Qala turǵyndary bul eksperımentte jaqsy nátıje kórsetti. Zat alǵan azamattardyń barlyǵy aqysyn qaldyryp ketip jatty. Tipti, keı turǵyndar araǵa birneshe mınýt salyp kaıta aınalyp kelip, qajetti zattaryn aldy. Eksperıment jasaýshylar bul árekettiń barlyǵyn vıdeoǵa túsirip alǵan.

Aıta keteıik, budan buryn Kentaý qalasynyń bazarynda da áleýmettik eksperıment júrgizilgen bolatyn. Onda tosynnan qoıylǵan ánuranǵa turǵyndar birden toqtaı qalyp, birge shyrqaǵan.