Túrkistanda salynyp jatqan áýejaı jylyna 3 mln jolaýshyǵa qyzmet kórsetedi

TÚRKІSTAN. QazAqparat – Túrkistan oblysynyń ákimi Ómirzaq Shókeev oblys ortalyǵynda salynyp jatqan halyqaralyq áýejaıdyń jáne onda baratyn avtomobıl jolynyń qurylysyn tekserdi, dep habarlaıdy QazAqparat tilshisi.

Qaladan 16 shaqyrym qashyqtyqta ornalasqan áýejaı halyqaralyq standartqa saı jáne zamanaýı qurylys tehnologııasymen salynýda.

«YDA Group» túrik kompanııasy salyp jatqan Túrkistan halyqaralyq áýejaıy jyl sońyna deıin paıdalanýǵa beriledi dep josparlanǵan. Qazirgi tańda qurylys alańynda ınvestordyń 300-den asa qurylysshysy 102 arnaıy tehnıkamen tynymsyz eńbek etýde. Áýejaı 900 gektar aýmaqty qamtıdy. Onda termınal, ushý-qoný jolaǵy jáne basqa da nysandar salý kózdelgen.

Áýejaıǵa baratyn avtomobıl jolynyń jalpy uzyndyǵy – 16,3 shaqyrym. Munda jylyna 3 mıllıonǵa jýyq jolaýshyǵa qyzmet kórsetý qarastyrylyp otyr.

Sala mamandarynyń málimetinshe, týrızm áleýetin arttyrý úshin oblysta arnaıy baǵdarlama ázirlengen. Kóne shaharda 2025 jylǵa deıin týrıst sanyn 5 mıllıonǵa jetkizý kózdelip otyr. Osy maqsatta halyqaralyq áýejaıdan eki kúnde bir ret Túrkistannan Mekkege tikeleı ushaq ashý kózdelgen.

Bul másele byltyr jeltoqsan aıynda ótken Túrkistan oblysynyń Máskeýdegi kúnderi barysynda aıtyldy. Іs-sharaǵa týrıstik kompanııalar, týrızm salasyndaǵy qoǵamdyq birlestik uıymdary, qaýymdastyqtar men memlekettik uıymdar qatysqan bolatyn.