Túrkistanda «Sálem saǵan, Túrkistan!» mádenıet jáne óner festıvali ótti
Aýqymdy sharaǵa zııaly qaýym ókilderi men qoǵam qaıratkerleri, depýtattar jáne BAQ ókilderi qatysty, dep habarlaıdy QazAqparat tilshisi.
Saltanatty is-sharanyń ashylýynda Túrkistan oblysy ákiminiń orynbasary Sáken Qalqamanov elimizdegi tynyshtyq pen etnosaralyq kelisimdi saqtaýǵa óz úlesin qosyp júrgen basylymdy mereıli merekesimen quttyqtady.
«Basylym búginde jańa dáýirdiń taǵy bir belesin baǵyndyrdy. Egemen eldiń qalyptasýy men óńirdiń damýyna, qazaqstandyq patrıotızmdi nyǵaıtýǵa úlken úles qosyp kele jatqan gazettiń Elbasy saıasatynyń basty baǵyttarynyń biri – etnosaralyq dostyqty nasıhattaýda atqaratyn róli zor. 30 jyldyq mereke qarsańynda atalǵan basylym túrki jurtynyń rýhanı astanasy – Túrkistanǵa qonys aýdaryp, tarıhtyń jańa paraǵyn ashty. Oblys ortalyǵyna kóship kelgen gazet ujymynyń jańa tynysy ashylyp, shyǵarmashylyq turǵyda shyńdala beredi dep senemin!» – dedi Sáken Amangeldiuly.
Sonymen birge oblys ákiminiń orynbasary birlik pen beıbitshilikti dáriptep, turaqtylyqty saqtaýǵa úles qosyp júrgen basylymnyń birqatar qyzmetkerlerin oblys ákiminiń arnaıy Alǵys hatymen marapattap, gazet ujymyna baǵaly kompıýterdi syıǵa tartty.
Jıynda «Nur Otan» partııasy Túrkistan oblystyq fılıaly tóraǵasynyń birinshi orynbasary Beısenbaı Tájibaev, QR Parlamenti Májilisiniń depýtaty Fahrıddın Qarataev, «Ońtústik Qazaqstan» oblystyq gazetiniń bas redaktory Abaı Balajan jáne oblystyq «ıÝjnyı Kazahstan» oblystyq gazetiniń bas redaktory Marına Lımarenko quttyqtaý sóz sóılep, izgi tilekterin bildirdi.
Atalǵan jıynda qonaqtar nan ónimderi kórmesi jáne «Janýbıı Qozoǵıston» gazetiniń shyqqannan bergi tarıhyn beıneleıtin sýretteri men ulttyq qolóner sheberleriniń týyndylarynan qoıylǵan kórmeni tamashalady. Sondaı-aq merekelik sharada ıgi jaqsylar búldirshinderdiń tusaýyn kesip, aq batasyn berdi. Merekelik jıynda kıiz úıdiń jabdyqtalýy, ulttyq taǵamdardy daıyndaý, et asý jáne palaý ázirleý boıynsha arnaıy baıqaý uıymdastyryldy. Baıqaý jeńimpazdary men júldegerlerine arnaıy qarjylaı syılyqtar tapsyryldy. Merekelik is-shara daryndy ónerpazdardyń kontserttik baǵdarlamasyna ulasty.