Túrkistanda praımerızge 340 ótinish tirkeldi

NUR-SULTAN. QazAqparat - 21 tamyzda «Nur Otan» partııasy Túrkistan oblystyq fılıaly tóraǵasynyń birinshi orynbasary Beısenbaı Tájibaev Túrkistan oblysynda partııaishilik praımerızdi ótkizilý barysy týraly brıfıng ótkizdi, dep habarlaıdy QazAqparat Túrkistan oblysynyń óńirlik kommýnıkatsııalar qyzmetine silteme jasap.

Beısenbaı Tájibaevtyń aıtýynsha, óńirde «Nur Otan» partııasynyń praımerızine qyzyǵýshylyq óte joǵary.

«Byltyr tamyz aıynda ótken saıası keńeste Elbasy, partııa tóraǵasy Nursultan Nazarbaev «Senim. Dıalog. Bolashaqqa nyq qadam» – «Nur Otan» partııasynyń 7 serpini baǵdarlamasyn usyndy. Soǵan sáıkes, 2020 jyldyń 17 tamyzy men 3 qazany aralyǵynda partııanyń praımerızin ótkizý mindeti júkteldi. «Nur Otan» partııasynyń Túrkistan oblystyq fılıaly bul saıası básekeni uıymdastyrýǵa joǵary deńgeıde daıyndaldy»,-dedi tóraǵanyń birinshi orynbasary.

Onyń aıtýynsha, 17-28 tamyz aralyǵynda úmitkerlerdi usyný jáne tirkeý júrgiziledi. 31 tamyz ben 6 qyrkúıek aralyǵynda úmitkerlerdi úgit-nasıhat jumystaryna daıyndaý, al 7 qyrkúıek pen 3 qazany aralyǵynda úgit-nasıhat júrgizilip, debattar ótedi. Praımerız 1 jáne 3 qazan kúnderi daýys berýmen túıindeledi.

Oblystaǵy partııa músheleriniń derekqor bazasyn ózektendirý barysynda 80 myńǵa jýyq azamattyń telefon nómirleri men elektrondy pochtalary túzetilgen. Daýys berýge jáne debattardy ótkizýge 209 oryn daıyndaldy. Daýys berý formaty boıynsha elektrondyq bıýlleten arqyly onlaın formatta 170 orynda, dástúrli qaǵaz bıýlletenimen 39 orynda ótedi. Aýdan, qala deńgeıinde uıymdastyrý komıtetteri, esep komıssııalary, Partııalyq baqylaý komıssııalary quryldy. Daýys berýge «Nur Otan» partııasynyń 80720 múshesi qatysady dep josparlanǵan. Túrkistan oblysynda praımerızdiń alǵashqy kúni 38 ótinish tirkelse, ekinshi kúni 46 ótinish tirkeldi.

«Jalpy qazir 340 ótinish qabyldandy. «Nur Otan» partııasynyń bul bastamasy demokratııalyq jáne azamattyq qoǵamdy damytýǵa serpin beredi dep esepteımin. Bul saıası dodada baq synaýǵa barsha azamatqa múmkindik berilgen. Ózindik bedeli, baǵyt-baǵdary bar patrıot azamattar iriktelip, olar jergilikti deńgeıdegi máslıhattarǵa, Parlamentke usynylady», - dedi B.Dáýletuly.

Tirkelgen kandıdattar – 105. Qalǵan úmitkerlerdiń kandıdatýrasy da tirkelýde. Ótinish bergen 340 úmitkerdiń ishinde áıelder – 73 (21,5%), 35 jasqa deıingi jastar – 105 (30,9%). Úmitkerlerdiń basym bóligi, ıaǵnı, 24,7% bilim jáne ǵylym salasynyń ókilderi quraıdy. Osy saladaǵy 84 azamat tirkeldi. Sonymen birge 61 kásipkerlik salasynyń ókili qujat tapsyrsa, aýyl sharýashylyǵy salasynda jumys isteıtin 31 azamat ótinish berdi.