Túrkistanda «Meıirim shýaǵy» aktsııasy ótti

TÚRKІSTAN. QazAqparat – Túrkistanda oblystyq «Jastar resýrstyq ortalyǵynyń» bastamasymen erikti jastar búgin kommýnaldyq jáne qurylysshy jumyskerlerge arnap «Meıirim shýaǵy» atty qamqorlyq aktsııasyn ótkizdi, dep habarlaıdy QazAqparat tilshisi.

«Taza álem» jobasy aıasynda uıymdastyrylǵan sharada eriktiler oblys ortalyǵyndaǵy árbir núktelerde eńbektenip júrgen jumyskerlerge, qurylysshylarǵa tátti bálish pen ystyq kofe taratty.

Sondaı-aq, «Jastar ortalyǵynyń» músheleri men volonter jastar kóshelerdi tazartyp, qoqystardy jınaýǵa qolǵabys etti. Joldaǵy qarlardy kúrep, tazalyqshylardyń jumystaryn jeńildetti. «Taza álem» aktsııasyn uıymastyrýshylar osylaısha jastardyń úlkenderge degen qurmeti men qalaǵa degen súıispenshiligin uǵyndyrýǵa tyrysty. Atalmysh shara, dástúrli túrde jyl saıyn ár túrli mezgilde, aýdan, qalalarda turaqty túrde ótkizilip keledi.

«Jalpy tazalyq jumysshylary tańǵy 4-5-ten turyp eńbek etedi. Aýa-raıynyń qolaısyzdyǵyna qaramastan, qalanyń tazalyǵy men sáýleti úshin eńbek etý qandaı qurmetke bolsyn ábden laıyq», - deıdi aktsııaǵa qatysýshylar.