Túrkistanda maqta qaldyqtarynan energııa óndiretin zaýyt salynbaq

TÚRKІSTAN. QazAqparat - Túrik kompanııasy Túrkistan qalasynda maqta qaldyqtarynan elektr qýatyn óndiretin zaýyt salýǵa nıetti. Bul týraly búgin Túrkistan oblysy ákiminiń birinshi orynbasary Qaırat Núkenovtiń Túrkııa Respýblıkasynyń bir top kásipkerlerimen kezdesýinde aıtyldy, dep habarlaıdy QazAqparat.

Oblys ákimdiginiń baspasóz qyzmetinen málim etkendeı, sheteldik «Biotrend energy» kompanııasyn kásiporynnyń basqarma tóraǵasy Mýrat Aslan bastap keldi. 

Delegatsııa quramyn óńirimizdiń saýda-ekonomıkalyq, ınvestıtsııalyq, agrarlyq, sonymen qatar týrızm salalaryndaǵy joǵary áleýetimen tanystyrǵan oblys ákiminiń birinshi orynbasary Q.Núkenov baýyrlas túrik elimen kez kelgen salada áriptestik ornatýǵa nıetti ekenin jetkizdi.
«Bizder, búginde, Túrkistannyń jańǵyryp, jańaryp jatqan dáýirinde turmyz. Osy oraıda, túrki tildes elder men Ortalyq Azııanyń rýhanı-mádenı ortalyǵy bolyp tabylatyn shaharymyzdy damytýda baýyrlas túrik aǵaıyndarmen eki jaqty tıimdi ónerkásiptik, saýda-ekonomıkalyq jáne ınvestıtsııalyq áriptestik ornatý mindeti tur dep bilemin. Ásirese, tabıǵaty kórikti hám densaýlyqqa paıdaly oryndarǵa baı oblysymyzdyń týrızm salasyn kóterý maqsatynda Ózderińizden jaqsy usynystar kútemiz. Jáne olardy qashan da qoldaýǵa ázirmiz», - dedi Q.Núkenov.
Óz kezeginde «Biotrend energy» kompanııasynyń basqarma tóraǵasy M.Aslan kompanııanyń aýyl sharýashylyǵy ónimderin qaıta óńdeýde ozyq kásiporyn ekenin aıtyp, osy salada Túrkistan oblysyna ınvestıtsııa salýǵa nıetin bildirdi. Atap aıtqanda, tóraǵa maqta qaldyqtary men qoqystan polıetılen ónimderin, elektr qýatyn jáne tabıǵı gaz shyǵarýǵa bolatynyn aıtyp, naqtyraq aıtqanda, maqta qaldyqtarynan elektr qýatyn óndiretin zaýyt salý týraly usynysyn jetkizdi.



Túrkııalyq ınvestorlardyń málimetinshe, 1 gektar maqta alqabynan 3 tonna maqta qaldyǵy shyqsa, odan 30-40 mVt elektr qýatyn óndirýge bolady eken. Osyny eskergen mamandar "aq altyn" egiletin Shardara, Jetisaı jáne Maqtaaral aýdandarynda maqta qaldyǵyn qabyldap, ony óńdeıtin eki zaýyt salýdy josparlap otyr. Bul rette, delegatsııa jetekshisi ákimdik tarapynan jer telimin bólip berý men qujattardy rásimdeý jaǵynan qajetti qoldaý kórsetýdi surady.



Barsha málimetterge qanyqqan oblys ákiminiń birinshi orynbasary ınvestorlarǵa ákimdik tarapynan tıisti qoldaýlardyń kórsetiletinin jetkizdi. Jer telimin berýde máseleniń joqtyǵyn alǵa tartqan Q.Núkenov salyq tóleý turǵysynan da jeńildikterdiń bolatynyn jetkizdi.
Aıta keteıik, «Biotrend energy» kompanııasy halyqaralyq standarttarǵa sáıkes taza qýat óndirýdi maqsat tutqan, irgetasy 2012 jyly qurylǵan energetıkalyq kásiporyn. Onda búginde 200-den astam bilikti qyzmetker jumys isteıdi.