Túrkistanda Qoja Ahmet ıAsaýı kesenesine qatysty foto kórme ashyldy

ShYMKENT. QazAqparat - Túrkistan qalasynda «Əziret Sultan» memlekettik tarıhı-mədenı qoryq-mýzeıinde «Murajaı muraǵaty til qatsa» taqyrybyndaǵy fotokórme ashyldy. Kórme Elbasy N.Ə. Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynda kórsetilgen tarıhı mádenı qundylyqtardy dáripteý aıasynda uıymdastyrylyp otyr, dep habarlaıdy QazAqparat HAA tilshisi.    

Kórme ekspozıtsııasyna mýzeı muraǵatynan 40-tan astam fotosýret men mýzeıdiń baspa ónimderi qoıylyp, kópshilik nazaryna usynyldy. Qoryq-mýzeıdiń qurylǵannan bergi 39 jyldyq tarıhynan syr shertetin tarıhı fotolar kórermen kózaıymyna aınaldy. Búgingi kúni 300-ge jýyq kórermen  qundy dúnıelermen tanysyp úlgerdi.
 

 

Qoryq-mýzeıdiń negizin qalaýshy memleket jáne qoǵam qaıratkeri Ózbekáli Jánibekov esimimen baılanysty. Kórmede 1978 jyly qoryq-mýzeıiniń ashylý saltanatynan biregeı fotosýretter, qoǵam qaıratkeri Dinmuhammed Qonaevtyń Qoja Ahmet ıAsaýı kesenesine kelgen sətteri, mekemeniń tynys- tirshiligi, ótken túrli mədenı sharalardyń kórinisteri oryn alǵan.
 

Aıta keteıik, «Əziret Sultan» memlekettik tarıhı-mədenı qoryq-murajaıy 1978 jyly 30 qyrkúıekte  «Respýlbıkalyq Qoja Ahmet ıAsaýı kesenesi ǵımaraty mýzeıi» bolyp qaıta ashyldy. 2015 jyly shildeniń 24 kúni QR Mádenıet jáne sport mınıstrliginiń respýblıkalyq memlekettik mekemelerin qaıta uıymdastyrý týraly  qaýlysymen «Əziret Sultan» memlekettik tarıhı-mədenı qoryq-murajaıy» bolyp ózgertildi. Qoryq-murajaıy óz jumysyn negizgi eki baǵytta júrgizedi. Alǵashqysy Túrkistan óńirindegi tarıhı-mádenı eskertkishterdi saqtaý, qorǵaý jáne esepke alý bolsa, ekinshi baǵyty- qoryq murajaıy retinde ǵasyrlar eleginen ótip, búgingi kúnge jetken kóne,  qundy, tarıhı jádigerlerdi saqtaý men qorǵaý, qaıta qalpyna keltirý jáne keńinen nasıhattaý bolyp tabylady.