Túrkistanda kóne túrki tilindegi alǵashqy Quran kitabynyń tusaýy kesildi

TÚRKІSTAN. QazAqparat - Búgin Halyqaralyq Túrki akademııasy Túrkistan qalasynda Qoja Ahmet ıAsaýı atyndaǵy Halyqaralyq qazaq-túrik ýnıversıtetimen birlesip, «Túrkistan – túrki áleminiń rýhanı astanasy» atty halyqaralyq konferentsııa ótkizdi. Konferentsııaǵa qatysýshylar aldymen Ahmet ıAsaýı kesenesine arnaıy baryp, taǵzym etti, dep habarlaıdy QazAqparat tilshisi.

Alqaly jıynǵa Halyqaralyq Túrki akademııasynyń prezıdenti Darhan Qydyráli, TÚRKSOI uıymynyń Bas hatshysy Dúısen Qaseıinov, Túrki keńesi Bas hatshysynyń orynbasary Ómer Kojaman, Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń rektory Janar Temirbekova qatysty.

Sondaı-aq, Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi elshisi Erjan Muqashev, Qazaqstan Respýblıkasy Aqparat jáne qoǵamdyq damý mınıstrligi Din isteri komıtetiniń tóraǵasy Erjan Núkejanov, Túrkııa Respýblıkasynyń Almaty qalasyndaǵy Bas konsýly Alı Rıza Akyndjy, «Bilge Túrik» mádenıet qorynyń basqarma tóraǵasy, eks-gýbernator Gýngór Azım Týna, Túrkistan oblysy ákiminiń orynbasary Sáken Qalqamanov, sonymen qatar zııaly qaýym ókilderi men tanymal ǵalymdar shaqyryldy.

Basqosý aıasynda Qarahan memleketi dáýirinde (H ǵasyr) kóne túrki tiline aýdarylǵan alǵashqy Quran kitabynyń tusaýkeser rásimi jasaldy.

Halyqaralyq Túrki akademııasy basyp shyǵarǵan bul biregeı basylym bizdiń zamanymyzǵa jetken Quran aýdarmasynyń eń kóne ári tolyq nusqasy sanalady.

Búginde bul qoljazba Ystanbul qalasyndaǵy Túrik jáne Islam óneri mýzeıinde saqtaýly tur.

Túrkistan topyraǵynda týyp, jetilgen ǵulamalar sýsyndaǵan myńjyldyq mura osylaısha túrkologııa, til dáne din máselelerine qyzyǵýshylyq tanytatyn ǵalymdar men izdenýshilerge qoljetimdi bolyp, tolyq faksımıle nusqasynda tuńǵysh ret jarııalanyp otyr.

Qasıetti kitaptyń jaryq kórýi Túrkistannyń túrki áleminiń rýhanı astanasy atanýymen tupa-tus keldi.

Keleli keńeske qatysýshylar Elbasy bastamasymen qaıta túlegen Túrkistan jáne onyń túrki álemindegi mańyzy týraly oılaryn ortaǵa salyp, baýyrlas elderdiń birligi jaıynda paıymdy pikirlerimen bólisti.

Basqosýdan keıin mártbeli meımandar túgel túrkiniń tóri sanalatyn Túrkistan qalasyndaǵy tarıhı oryndardy aralap, jańadan boı kótergen ǵımarattarmen tanysty.

Aıta ketý kerek, bıyl 31 naýryzda Qazaqstan Respýblıkasynyń Prezıdenti Qasym-Jomart Toqaevtyń tóraǵalyǵymen ótken Túrki keńesiniń beıresmı sammıtinde Túrkistan qalasyn túrki áleminiń rýhanı astanasy dep jarııalanǵan bolatyn.