Túrkistanda «kıber-sherıf» kómegimen 600-den astam ákimshilik quqyq buzýshylyq anyqtaldy

TÚRKІSTAN. QazAqparat - Túrkistanda «kıber-sherıf» kómegimen 600-den astam ákimshilik quqyq buzýshylyq anyqtaldy, dep habarlaıdy QazAqparat tilshisi.

Ákimshilik quqyq buzýshylyq jasaǵan kólikterdiń arasynda 1,5 mln teńge aıyppulyn tólemegen júrgizýshide bar. Memleket aldyndaǵy bereshegin ýaqytyly tólemegen «Volkswagen passat» kóliginiń ıesin polıtsııa qyzmetkerleri «Shymkent-Samara» tas jolynda toqtatty. Kólikti aıypturaqqa qoıyp, júrgizýshisine bereshekti ýaqtyly tóleý qajettigi týraly túsindirý jumystaryn júrgizdi.

«Túrkistan oblysynyń polıtseıleri sońǵy úsh táýlikte «Kıber-sherıf» avtomatty júıesiniń kómegimen oblys joldarynda 600-den astam ákimshilik quqyq buzýshylyqty anyqtady. Tártip saqshylary júrgizýshilerdi jol erejesin buzbaýǵa jáne ákimshilik aıyppuldardy ýaqytynda tóleýge shaqyrady» - delingen Túrkistan oblysy polıtsııa departamentiniń baspasóz qyzmeti taratqan habarlamada.