Túrkistanda Q.A.ıAsaýı kesenesinde 3D týr qyzmeti iske qosyldy

TÚRKІSTAN. QazAqparat – Túrkistandaǵy Qoja Ahmet ıAsaýı kesenesinde jerlengen qazaqtyń han-sultandary men bı-abyzdary, batyrlary men ıgi jaqsylary tizimi tsıfrly formatta úsh tilde ázirlendi.

Kesene ishinde sondaı-aq, eki aqparatty kıoski, shaǵyn kınozal, 3D týr qyzmet kórsetýde, dep habarlaıdy QazAqparat tilshisi.

Elbasy N.Á.Nazarbaevtyń «Tsıfrly Qazaqstan» jobasy negizinde «Áziret Sultan» qoryq-mýzeıiniń jańartylǵan resmı saıtynyń mobıldi qosymshasy da iske qosylǵan. ıAsaýı kesenesi ishindegi beıne tarıh qujyrasyna da sheberler daıyndaǵan oıýly aǵash oryndyqtar qoıyldy.

Aıta ketsek, Qoja Ahmet ıAsaýı kesenesiniń qujyra bólmesinde «Qazaqfılm» jáne «Ońtústikfılm» kınostýdııalary túsirgen derekti jáne anımatsııalyq fılmder zııaratshylar men týrısterge turaqty túrde kórsetilip keledi. «Áziret Sultan» memlekettik tarıhı-mádenı qoryq-mýzeıine kelgen árbir kelýshi jádigerlermen qatar tarıhı fılmderdi de kóre alady.

Aıta keteıik, týrıster 2016 jyldan bastaý alǵan bastama aıasynda Túrkistanǵa qatysty derekti fılmder tamashalasa, 2018-2019 jyldary «Almas qylysh», «Kóshpendiler», «Jaýjúrek 1000 bala» kórkem fılmderi men «Kúltegin», «Muzbalaq», «Kóne qumyranyń syry», «Qajymuqan», «Qazaq Eli», «Otyrardy qorǵaý», «Túrkistan», «Oqsyz oqıǵasy» anımatsııalyq fılmderin kórip júr.