Túrkistanda ımporttyq ónimderdiń 90 paıyzǵa jýyǵy talapqa saı emes

TÚRKІSTAN. Qazaqparat - Túrkistan oblysynyń sanıtarııalyq dárigerleri dúken sórelerindegi azyq-túlik jáne ózge taýarlarǵa monıtorıng júrgizip, ımporttyq óndiristiń 679, otandyq ónimniń 155 synamasyn zertteýden ótkizdi, dep habarlaıdy QazAqparat.

Zertteý nátıjesinde 36 synamanyń Eýrazııalyq ekonomıkalyq odaqtyń tehnıkalyq reglamentteriniń talaptaryna sáıkes kelmeıtini anyqtalǵan. Ol ónimderdiń 89%-y ımporttyq bolsa, 11%-y otandyq taýarlarǵa tıesili. Olardyń ishinde tamaq ónimderimen qosa, balalar oıynshyǵy, jeńil ónerkásip ónimderi bar.

«Zertteý barysynda ónimderdiń syrtyndaǵy aqparat memlekettik tilde jazylmaǵandyǵy, óndirilgen kúni, jaramdylyq merzimi, ónimniń saqtalý sharttary, óndirýshi nemese ımporttaýshy týraly aqparat, ónimdi paıdalanýdyń basqa da nusqaýlary kórsetilmegendigi belgili boldy. Osy oraıda sanıtarııalyq-epıdemıologııalyq baqylaý departamenti jergilikti kásipkerlerge ónimderdiń tańbalanýyn zańnama talaptaryna sáıkes iske asyrý kerektigin eskertedi. Al tutynýshylar ónimniń japsyrmasyna nazar aýdarý kerek», - dep jazdy vedomstvodan.