Túrkistanda halyqaralyq «Altyn saqa» festıvali ótip jatyr
Túrki memleketteriniń dostastyǵy kúnine oraı uıymdastyrylǵan sharaǵa Qyrǵyzstan, Ózbekstan, Túrkııa, Ázerbaıjan, ıAkýtııa, Altaı, Bashqurtstan jáne Qazaqstan Respýblıkasynyń anımatorlary qatysty, dep habarlaıdy QazAqparat HAA tilshisi.
Elbasy N.Á.Nazarbaevtyń «Bolashaqqa baǵdar: rýhanı jańǵyrý» atty maqalasy negizinde uıymdastyrylǵan fetıvaldi QR Mádenıet jáne sport mınıstrliginiń teatr jáne kınematografııa bóliminiń bas sarapshysy Gúlnafıs Myrzasheva men oblystyq mədenıet basqarmasy basshysynyń mindetin atqarýshy Ǵalııa Sharafıeva quttyqtaý sózben ashyp, oblys ákimi Janseıit Túımebaevtyń jyly lebizin jetkizdi. Aýqymdy shara túrkitildes memleketter arasyndaǵy mádenıet pen óner yntymaqtastyǵy jáne dostastyǵyn nyǵaıtatynyn atap ótti. Anımatsııalyq fılmder arqyly balalar men jasóspirimderdi patrıottyq rýhta tárbıeleý men ulttyq salt-dástúrdi urpaqtan-urpaqqa jetkizý, túrki memleketteriniń anımatsııa salasyndaǵy shyǵarmashylyǵyn keńinen nasıhattaý men álemdik keńistikke shyǵý jáne halyqaralyq qarym-qatynasty arttyrý festıvaldiń basty maqsattarynyń biri dep aıtyp ótti.
Festıval barysynda anımatorlar ózara is-tájirıbe almasýǵa, sheberlik sabaqtaryn ótkizýge ýaǵdalasty. Oǵan arnaıy kelgen anımatorlar kórermender men qazylar alqasyna patrıottyq rýhty kóterýge arnalǵan 21 fılmdi usyndy. Budan keıin túrki elderinen jınalǵan kıno salasynyń mamandary Halyqaralyq Qazaq-Túrik ýnıversıtetiniń stýdentterimen kezdesip, oı-pikir almasty. Basqosý barysynda kıno túsirý, daýys tańdaý syndy kóptegen pikirler ortaǵa salynyp, sheberlik sabaqtary júrgizildi. Sondaı-aq festıvaldiń qazylar alqasy jergilikti BAQ ókilderine baspasóz máslıhatyn ótkizdi. Onda aıtýly sharanyń min-mańyzy jaıynda tolyqqandy aqparattar berdi. Onda qoıylǵan týyndylardyń sapasy men kórkemdik ıdeıasy, balalar úshin tárbıelik mańyzy da egjeı-tegjeıli sarapqa salynatyndyǵy aıtyldy.
Festıval jeńimpazdary búgin Q.A.ıAsaýı atyndaǵy HQTÝ-niń Mádenıet ortalyǵynda marapattalady dep kútilýde.