Túrkistanda «Eldiktiń jolyn erlikpen salǵan Elbasy» merekelik sharasy ótti

TÚRKІSTAN. QazAqparat – Túrkistan oblysynda Qoǵamdyq damý basqarmasyna qarasty «Jastar resýrstyq ortalyǵy» KMM-niń uıymdastyrýymen «Eldiktiń jolyn erlikpen salǵan Elbasy» atty merekelik shara ótti, dep habarlaıdy QazAqparat tilshisi.

Elbasytanýshy Seıdýlla Sadyqovtyń Nursultan Nazarbaevtyń ómir joly men memleket basqarýdaǵy ozyq isteri jaıly aıtylǵan baıandamasymen bastalǵan jıyn tarıhı estelikter men áserli áńgimelerge toly boldy.

Tuńǵysh Prezıdenttiń memleket qurýdaǵy qaıratkerligin tanytyp, elge sińirgen eńbekterin keńinen nasıhattaý maqsatynda uıymdastyrylǵan sharaǵa Qoǵamdyq damý basqarmasy basshysynyń orynbasary Daýren Sarıev pen Halyqaralyq qazaq-túrik ýnıversıtetiniń professory, Elbasytanýshy Seıdýlla Sadyqov, Túrkistan qalalyq aqsaqaldar alqasynyń tóraǵa orynbasary Shora Ismoldaev pen Túrkistan qalalyq ardagerler keńesi tóraǵasynyń orynbasary Pernetaı Dosybekov, sondaı-aq, jergilikti belsendi jastar qatysty.

«Elbasy Nursultan Ábishuly Nazarbaevtyń Túrkistan qalasynyń tarıhı jáne búgingi mazmunyn sabaqtastyra, tanyp bile otyryp jańa oblys ortalyǵy etip qurǵany da tarıhı, eleýli oqıǵa boldy. Bul Elbasymyzdyń qazaq halqy úshin, kúlli túrki álemi úshin qadir-qasıeti erekshe bolǵan Túrkistanǵa degen aıryqsha qamqorlyǵynyń arqasy», - dedi D.Sarıev

Saltanatty sharanyń sońy Túrkistan ónerpazdarynyń ónerimen jalǵasyn tapty.