Túrkistanda Elbasy eskertkishin ornatý úshin halyqaralyq konkýrs jarııalaý kerek - Jengız Tomar
«Nursultan Nazarbaev - Qazaqstan úshin ǵana emes barsha túrki áleminiń birligi, yntymaǵy úshin mańyzdy bastamalar kótergen tulǵa. Elbasy Túrki tildes elderdiń Parlamenttik assambleıasyn, Túrki keńesin, Túrki akademııasyn qurýǵa uıytqy boldy. 1991 jyly ıAsaýı atyndaǵy Qazaq-túrik ýnıversıtetiniń de qurylýyna sebepker bolǵan adam. Esterińizde bolsa, osy jyldyń naýryz aıynda Túrkistan qalasynda «Túrkistan – túrki áleminiń rýhanı astanasy» degen uranmen ótken keńeste sheshim qabyldandy. Túrkistan qalasynyń damýyna da Elbasynyń sińirgen úlesi óte zor. Búginde oblys ortalyǵyna aınalǵan qala jańaryp, túrlene tústi. Sondyqtan Túrki álemniń máńgi astanasy Túrkistanda Qazaqstan Prezıdentiniń bir eskertkish bolǵany durys dep esepteımin», - dedi Qazaq-túrik ýnıversıtetiniń birinshi prezıdenti.
Sonymen qatar ol «Qazaqstan Tuńǵysh Prezıdentiniń Túrkistan qalasynda ornatylatyn eskertkishi úshin Túrki áleminde halyqaralyq baıqaý uıymdastyrǵan jón bolar edi» degen oıyn alǵa tartady.
«Menińshe, Túrki álemine ortaq halyqaralyq deńgeıdegi baıqaý bolsa durys», - dedi Jengız Tomar.