Túrkistanda eki otbasy tabıǵı gazǵa tegin qosyldy

TÚRKІSTAN. QazAqparat - Túrkistan qalasy Otyrar móltek aýdanynda kópbalaly ana men turmysy tómen eki otbasy kógildir otynǵa tegin qol jetkizdi. Bul jóninde oblys ákiminiń baspasóz qyzmetine silteme jasap QazAqparat habarlaıdy.

Igi isti Ramazan aıynda oblystyq energetıka jáne turǵyn úı kommýnaldyq sharýashylyq basqarmasy men «QazTransGaz» AQ júzege asyrdy. Ortaq gaz qubyry úıine kelip tursa da, tapshylyq qol baılaý bolǵan olar birer ýaqyttan beri gazǵa qosyla almaı kelgen.

Jalpy, shahardyń ekologııalyq ahýalyn jaqsartý maqsatynda oblys, qala ákimdikteri gaz taratýshy mekemelerimen birlesip turǵyndarǵa tabıǵı gaz júıesine qosylý boıynsha túsindirý jumystaryn júrgizýde.

Oǵan qosa, qatty otyn paıdalanatyn barlyq monshalar, áleýmettik jáne kásipkerlik nysandardy gazdandyrý kózdelip otyr. Bul baǵytta da túsindirme jumystary júrgizilip, nátıjesinde áleýmettik jáne kásipkerlik 9 nysan tabıǵı gazǵa aýystyrylǵan.

Oblys ortalyǵyn gazdandyrý máselesi Túrkistan oblysy ákimi Ómirzaq Shókeevtiń tikeleı baqylaýynda. Aımaq basshysynyń tapsyrmasyna sáıkes, jyl sońyna deıin Túrkistan qalasyn 100 paıyz gazben qamtamasyz etý josparlanyp otyr.

Bul jumystar kezeń-kezeńimen júzege asyrylýda. Búginde qala turǵyndarynyń 41% tabıǵı gazben qamtylǵan.