Túrkistanda «Dostyq úıi» salynady
Dostyq úıi oblys ortalyǵynda jańa qala aýmaǵynda boı kótermek. Qazirgi tańda nysannyń jobalaý-smetalyq qujattamasy daıyndalýda.
«Dostyq úıiniń qurylysy jaqynda bastalady dep josparlanýda, kelesi jyly el ıgiligine beriledi. Jalpy mundaı nysan óńirlerdiń bárinde bar. Buryn bizde Assambleıa janynda Dostyq úıi bolǵan. Biraq, ol Shymkent qalasynda ornalasqan edi. Ol nysan Shymkent qalasynyń suraýymen qala ákimdiginiń teńgerimine berildi. Qazir Assambleıa basqarmalar úıinde ornalasqan» - deıdi Túrkistan oblysy qoǵamdyq damý basqarmasynyń basshysy Ańsar Óserbaev.
Alǵys aıtý kúnine oraı Túrkistan óńirinde aýqymdy is-sharalar ótýde. Ár qala, aýdanda etnomádenı birlestikterdiń qaıyrymdylyq aktsııalary uıymdastyrylyp, eńbek adamdaryna qurmet kórsetildi.
«Mereke aıasynda óńirimizdegi etnos aqsaqaldary Qoja Ahmet ıAsaýı kesenesinde uly tulǵalarymyzdyń ómir jolyn ulyqtap, babalar rýhyna Quran baǵyshtady. Sonymen qatar, «Rahmet saǵan, týǵan jer!» taqyrybynda etnos jastary arasynda sýret salý baıqaýy ótip, «Dostyq» alleıasyna 500-ge jýyq aǵash kósheti otyrǵyzyldy. Odan bólek, etnos ókilderi arasynda qazaq qalamgerleriniń týyndylaryn memlekettik tilde oryndaý baıqaýy, «dóńgelek ústel» májilisteri men basqosýlar uıymdastyryldy» - dedi Ańsar Jańabaıuly.