Túrkistanda destrýktıvti dinı aǵymdarǵa qatysty 30-dan astam qylmys ashyldy

TÚRKІSTAN.QazAqparat – Túrkistan oblysynyń polıtsııa qyzmetkerleri destrýktıvti dinı aǵymdy ustanýshylardyń qatysýymen bolǵan 34 qylmysty ashty. Onyń ishinde dinı arazdyqty qozdyrý, jeke múlikti urlaý, esirtki ótkizý men saqtaý jáne basqa da qylmystar bolǵan, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, ótken jyly sondaı-aq dinı tájirıbesin jasyryp, zańsyz medıtsınalyq qyzmet pen emshilik jasaǵan derekter de anyqtalǵan. Nátıjesinde óńirde destrýktıvti dinı aǵymdy ustanýshy 567 adam ákimshilik jaýapkershilikke tartylyp, onyń 16-sy dinı sıpatty buzǵany úshin ustalǵan.

Tártip buzýshylarǵa 5 mıllıon teńgeden astam ákimshilik aıyppul salynǵan.

«Polıtsııa departamenti men ekstremızmge qarsy is-qımyl basqarmasynyń qyzmetkerleri dástúrli emes dinı aǵymdardy nasıhattaýmen aınalysatyn adamdardy ustaý úshin birqatar arnaıy operatsııa júrgizdi. Tintý kezinde kúdiktilerden uıaly telefondar, dinı mazmundaǵy baspa ádebıetter men kompıýterlik tehnıka tárkilendi. Qazirgi ýaqytta sotqa deıingi tergeýdiń barlyq materıaldary aıyptaý aktisimen sotqa joldanǵan» delingen habarlamada.