Túrkistanda bıyl erekshe týrıstik keshen ashylady

TÚRKІSTAN. QazAqparat – Túrkistan oblysynyń ákimi Ómirzaq Shókeev oblys ortalyǵynda júrip jatqan ákimshilik, áleýmettik nysandardyń qurylys qarqynyn baqylady. Oblys basshysy jańadan salynyp jatqan basqarmalar ǵımaraty men drama teatry, Q.A.ıAssaýı mýzeıi men Uly Jibek joly qolónershiler Ulttyq ortalyǵy ǵımarattarynyń qurylys alańdarynda boldy, dep habarlaıdy QazAqparat tilshisi.

Búginde qurylys jumystary aıaqtalyp qalǵan nysandarda ishki árleý, tehnıka men jıhaz ornatý jáne syrtqy abattandyrý jumystary júrgizilýde. Kóne shaharda sondaı-aq, memlekettik-jekemenshik áriptestik aıasynda «Kerýen-saraı» kópfýnktsıonaldy týrıstik kesheniniń qurylysy qarqyndy júrip jatyr. Túrik kompanııasy salyp jatqan nysan álemde teńdesi joq sanalady.

Týrıstik keshende zamanaýı qonaq úıler men shyǵys bazary, meıramhanalar iske qosylady dep kútilýde. Keshen ortalyǵynan jasandy kól jasalyp, biregeı jobada kóne shahardyń kórinisi saqtalady. Qurylys jumystary bıyl aıaqtalady dep josparlanyp otyr.