Túrkistanda «Batyl toıtarys-2022» áskerı oqý-jattyǵýy ótip jatyr

TÚRKІSTAN. QazAqparat - Túrkistan oblysynda «Batyl toıtarys-2022» áskerı-taktıkalyq oqý-jattyǵý jıyndary ótip jatyr. Oǵan Qazyǵurt aýdanynyń áskerı mindetti azamattary qatysyp, sheberligin shyńdaýda, dep habarlaıdy QazAqparat tilshisi.

Oqý-jattyǵýda 102 azamat áskerı daıyndyǵyn pysyqtap, tapsyrmalardy oryndap jatyr. Jıyn barysynda azamattar áskerı taktıkalardy qaıta shyńdap, qarý qoldaný mashyqtaryn eske túsirdi.

«Oqý-jattyǵý jıynyna buryn áskerı boryshyn ótegen azamattar shaqyryldy. Maqsat – olardyń fızıkalyq jáne áskerı-saptyq daıyndyǵyn tekserý jáne kúsheıtý. Árıne on, jıyrma jyl burynǵy úırengen nárselerdi qaıta eske túsirý, jas kezdegideı tapsyrmany jedel oryndaý qıyn. Biraq bir aptanyń ózinde sarbazdar shyńdalyp kelip qaldy. Otanymyzdy qorǵaýǵa árbirimiz daıyn bolýymyz kerek», – deıdi oblys ákimi apparaty aýmaqtyq qorǵanys qyzmetiniń basshysy Babaı Aldabergenov.

Oqý-jattyǵýǵa qatysqandar sporttyq saıystardan synǵa túsip, fızıkalyq áleýetterin kúsheıtti. Aýmaqty, nysandardy qorǵaý, áskerı taktıka boıynsha bilimderin jetildirdi. Jattyǵý 22 sáýirde aıaqtalady dep josparlanyp otyr.