Túrkistanda basqarma basshysynyń orynbasary 10 mln teńge para aldy degen kúdikke ilindi
Sybaılas jemqorlyqqa qarsy is-qımyl agenttiginiń málimetinshe, Túrkistan oblysy boıynsha Sybaılas jemqorlyqqa qarsy qyzmet «Bızneske jol» jobasyn iske asyrý aıasynda Tsıfrlandyrý, memlekettik qyzmetter kórsetý jáne muraǵattar basqarmasy basshysy orynbasarynyń mindetin atqarýshyǵa qatysty sotqa deıingi tergeý júrgizip jatyr. Ol memlekettik organdardy aqparattandyrý jáne tsıfrlandyrý qyzmetterin kórsetýge, oryndalǵan jumystar aktilerine kedergisiz qol qoıý boıynsha memlekettik satyp alý týraly shartty jasasqany úshin 10 mln teńge somasynda para aldy degen kúdikke ilindi.
Sharttyń jalpy somasy – 280 mln teńge. Tergeý sotynyń sanktsııasymen kúdikti qamaýǵa alyndy. Sotqa deıingi tergep-tekserý jalǵasyp jatyr.
Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.
Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.