Túrkistanda BAQ ókilderi tabıǵat aıasynda semınar ótkizip jatyr

TÚRKІSTAN. QazAqparat - Túrkistan oblysy oblysynda «Turkistan media talks: BAQ jáne transformatsııa» taqyrybynda semınar-tımbıldıng ótip jatyr. Óńirlik Qoǵamdyq damý basqarmasy uıymdastyrǵan shara aımaqtaǵy jýrnalısterdiń biliktiligin kóterip, memlekettik mekeme qyzmetkerleriniń halyqpen jáne BAQ ókilderimen keri baılanysyn nyǵaıtý maqsatynda ótýde, dep habarlaıdy QazAqparat tilshisi.

Tabıǵat aıasynda ótken tımbıldıngke oblystyń aýdan, qalalarynyń ishki saıasat bólimi, jastar resýrstyq ortalyǵynyń dırektorlary, úkimettik emes uıym músheleri, belsendi jastar jáne BAQ ókilderi qatysýda. Erkin formattaǵy sharaǵa kásibı mamandar, tanymal spıkerler - Garvard ýnıversıtetiniń túlegi, «Mazmundama» qorynyń tóraǵasy Shyńǵys Muqan men Atameken TV ınternet-marketıng bóliminiń basshysy Janasyl Bolatbek, «Azamattyq bastamalardy qoldaý ortalyǵy» basqarma tóraǵasynyń orynbasary Janar Týlegenova men QR Prezıdenti janyndaǵy Ulttyq qoǵamdyq senim keńesiniń múshesi, «Qazaqstan Team» Respýblıkalyq jastar qoǵamdyq birlestiginiń tóraǵasy, telejýrnalıst Ashat Sadyrbaı dáris oqyp, qatysýshylarmen qyzý pikir-talas uıymdastyryp jatyr. Tımbıldıngte «Kommýnıkatsııalyq menedjment: SMM jáne memlekettik organdar», «Rezonansty jaǵdaıdaǵy »altyn saǵat« erejesi», «Adamdardyń jadynda jattalyp qalardaı jańalyq jasaý», «SMM jáne qyzyqty kontent qalyptastyrý», «Eriktiler jylynda jastardyń róli», «Jergilikti jerlerde memlekettik granttyq qarjylandyrýdy engizý» taqyryptary qozǵalýda.