Túrkistanda azyq-túlikti arzan baǵada saýdalaıtyn 13 áleýmettik dúken ashylǵan

TÚRKІSTAN. QazAqparat- Túrkistan oblysynda áleýmettik mańyzy bar azyq-túlik baǵasy turaqtandyrylýda. Osy maqsatta Túrkistan qalasyndaǵy birqatar bazarlar men Otyrar yqsham aýdanynda sanıtarlyq – epıdemıologııalyq normalardy saqtaı otyryp, jármeńke ótkizildi, dep habarlaıdy QazAqparat tilshisi.

Jármeńke oblys ákimdigi men «Túrkistan» áleýmettik-kásipkerlik korporatsııasy aktsıonerlik qoǵamynyń uıymdastyrýmen ótti. Onda 14 tonnaǵa jýyq aýyl sharýashylyq ónimderi satylymǵa shyǵaryldy. Onyń ishinde un - 130 tg, qant – 205 tg, kartop – 89 tg, sábiz – 76 tg, pııaz – 56 tg, rojkı – 186tg, kúrish – 245 tg, tuz – 43 teńgeden saýdalandy. Sondaı-aq, oblys ákimdigi tarapynan áleýmettik mańyzy bar azyq-túlik taýarlarynyń baǵasyn qoljetimdi jasaý maqsatynda Túrkistan qalasynyń aýmaǵynda ornalasqan 13 áleýmettik dúken men 5 iri sýpermarket ashylǵan. Al, azyq-túlik taýarlarynyń baǵasy negizsiz ósken jaǵdaıda, onyń sebepterin anyqtaý boıynsha oblystyq básekelestikti qorǵaý jáne damytý departamentine tapsyrma beriledi baǵany qoldan ósirgenderge tıisti sharalar qaralyp otyr.