Túrkistanda azyq-túlik baǵasyn turyqtandyrý boıynsha 1000-nan asa memorandým jasaldy

TÚRKІSTAN OBLYSY. QazAqparat – Túrkistan oblysynda azyq-túlik baǵasyn turyqtandyrý úshin myńnan asa memorandým jasaldy. Bul týraly QazAqparat ákimdikke silteme jasap habarlaıdy.

Túrkistan oblysyna kúnbaǵys maıy respýblıkanyń basqa óńirlerinen tasymaldanady. Ótken jyldyń osy kezeńimen salystyrǵanda kúnbaǵys maıynyń ımporty Reseı memleketinen 4,6%-ǵa tómendegen. Kartop, qyryqqabat, sábiz baǵalarynyń maýsymdyq qymbattaýy maýsymdylyq - aýa-raıynyń qolaısyzdyǵyna baılanysty erte óndiriletin ónimder kesh pisken. Áleýmettik mańyzy bar azyq-túlik taýarlary baǵasynyń óspeýi úshin jasalyp jatqan sharalar Túrkistan oblysynyń ákimi Ómirzaq Shókeevtiń tóraǵalyǵymen ótken apparat otyrysynda baıandaldy.

Oblys ákimi azyq-túlik baǵasyn ósirmeýdi tapsyrdy. Osy maqsatta jyl sońyna deıin júzege asyrylatyn naqty jospardy bekitýdi júktedi. Kásipkerlik jáne saýda basqarmasynyń málimetine sáıkes, kartop, qyryqqabat pen sábizge degen kórshiles elderdegi suranystyń joǵary bolýyna baılanysty aýyl sharýashylyǵyn óndiretin óndirýshiler taýarlaryn eksportqa ótkizýde. Áleýmettik mańyzy bar azyq-túlik taýarlary baǵasynyń negizsiz ósýiniń aldyn-alý maqsatynda, iri saýda oryndary men dúkender jáne ámbebap bazarlarmen aǵymdaǵy jyldyń 28 maýsymdaǵy jaǵdaı boıynsha oblys kóleminde 1098 memorandým túzilgen.

Sonymen qatar, turaqty túrde aýdan, qalalardaǵy qurylǵan mobıldik toptar QR Ákimshilik quqyq buzýshylyq Zańynyń 204-4 baptaryna sáıkes 752 kásipkerge baǵa negissiz kótermeý jóninde eskertýler men nusqamalar berildi. Aldaǵy ýaqytta, atalǵan baǵyt boıynsha tıisti jumystar júrgiziledi. Áleýmettik mańyzy bar azyq-túlik taýarlary baǵalaryn turaqtandyrý maqsatynda, «Aınalym shema» mehanızimi aıasynda «Magnum» iri saýda jelisine 200 mln.tg qarjy bólindi. Búgingi tańda, saýda jelisi 19 túrli áleýmettik mańyzy bar azyq-túlik taýarlarynyń baǵasyn naryqtaǵy baǵadan 10-15%-ǵa tómen satylýda.

Apparat otyrysynda sondaı-aq, oblys bıýdjetiniń 1 shildesine kútiletin boljamnyń oryndalýy týraly, Túrkistan qalasy aýmaǵyndaǵy qurylysy aıaqtalǵan nysandar, joldar men aıaqjoldar jáne abattandyrý boıynsha anyqtalǵan aqaýlardyń oryn alýy men ony qalpyna keltirý máselesi týraly baıandaldy.