Túrkistanda azyq-túlik baǵasyn turaqtandyratyn 14 saýda núktesi jumys istep tur
Túrkistan oblysynda azyq-túlik taýarlarynyń óńirlik turaqtandyrý qoryn basqarý jónindegi komıssııanyń otyrysy ótti. Jıynda áleýmettik mańyzy bar azyq-túlik taýarlaryna (budan ári - ÁMAT) tirkelgen baǵalardy turaqtandyrý jáne bekitý, sondaı-aq birinshi sanatty taýyq jumyrtqasynyń baǵasyn turaqtandyrý máseleleri talqylandy.
Azyq-túlik turaqtandyrý qorynyń basqarýshy dırektory Maral Marasılovtyń aıtýynsha, 2019 jyldan bastap Túrkistan qalasynda 8 saýda pavılony (áleýmettik dúkender) ashyldy. Búgingi tańda Túrkistan qalasy aýmaǵynda áleýmettik mańyzy bar azyq-túlik taýarlarynyń baǵasyn turaqtandyrý úshin 14 saýda núktesi (pavılondar) jumys isteýde.
Saýda pavılondaryn múliktik jalǵa berý jáne komıssıonerlerdi anyqtaý Erejesine sáıkes kásipkerler arasynda taýarlardy satý boıynsha qyzmetti júzege asyrý boıynsha konkýrs ótkizildi. Sonymen qatar, Túrkistan qalasynyń ákimdigimen, Túrkistan oblysynyń Aýyl sharýashylyǵy basqarmasymen jáne 10 kásipkerlik sýbektilerimen oblys ortalyǵynda ÁMAT baǵasyn turaqtandyrý boıynsha birlesken qyzmet týraly kelisimshart jasaldy.
Osy kelisimshart aıasynda áleýmettik mańyzy bar azyq-túlik taýarlaryna baǵanyń ósýin toqtatý jáne boldyrmaý boıynsha birlesken sharalar qarastyrylýda. Atap aıtqanda, sýpermarketterde taýarlar úshin jeke sóreler daıyndalyp, 5 sýpermarketke taýarlar jetkiziledi.
Sonymen qatar, 2019 jyldyń 30 qazanynan bastap «Aqjol» JShS naýbaıhanasymen birge Túrkistan qalasynyń 6 sýpermarketi men saýda pavılondarynda (áleýmettik dúkenderde) 75 teńge baǵasymen áleýmettik nan satý jolǵa qoıylǵan bolatyn. 21 qarashadan bastap Áleýmettik nan Kentaý qalasynyń 8 dúkeninde satylýda.
Túrkistan oblysynda «Aınalym shemasy» jobasyn engizý sheńberinde «Túrkistan «ÁKK» AQ depozıtinde ornalastyrylǵan qarajat esebinen jyldyq 0,01% syıaqy mólsherlemesimen kásipkerlik sýbektilerine qaryz beriledi. Qaryz berý kezinde baǵany turaqtandyrýǵa Túrkistan oblysy ákimdigi bekitken ÁMAT baǵasyn 10% -ǵa nemese odan da kóp bólshek saýda baǵalarynyń shekti máninen tómen ustaý jolymen qol jetkiziletin bolady.
Aıta ketsek, atalmysh sharalar áleýmettik mańyzy bar azyq-túlik taýarlaryna baǵanyń ósýine jol bermeýdi qamtamasyz etýge jáne 17 orynnan 5-orynǵa kóterilýge múmkindik berdi. Búgingi tańda Túrkistan qalasyndaǵy áleýmettik mańyzy bar azyq-túlik taýarlarynyń baǵa ındeksi boıynsha elimizdegi eń tómen kórsetkishterdiń biri.