Túrkistanda alǵashqy bir saǵatta 3 myńnan astam adam tańdaý jasady

TÚRKІSTAN. QazAqparat – Túrkistan qalasyndaǵy 62 saılaý ýchaskesinde alǵashqy saǵatta 3 myńnan astam adam daýys berdi, dep habarlaıdy QazAqparat oblys ákimdiginiń baspasóz qyzmetine silteme jasap.

Túrkistan qalasyndaǵy saılaý ýchaskeleri tańǵy 07:00-den saılaýshylardy qabyldaýda. Komıssııa málimetinshe, alǵashqy saǵatta 3 myńnan astam túrkistandyq óz tańdaýyn jasap úlgergen.

«Jalpy Túrkistan qalasynda daýys berý quqyǵyna ıe 121 405 turǵyn bar.

Alǵashqy bolyp daýys bergen belsendi azamattarǵa saılaý ýchaskelerinde syı-sııapat jasalyp, merekelik quttyqtaýlar uıymdastyryldy», - delingen Túrkistan oblysy ákiminiń baspasóz qyzmeti taratqan habarlamada.

Aıta keteıik, búgin elimizde Parlament Májilisiniń jáne jergilikti máslıhattar depýtattaryn kezekten tys saılaý ótip jatyr.