Túrkistanda Abaı esimdi 10 jastaǵy balalar syılyq aldy
Óńirlik kommýnıkatsııalar qyzmetinen málim etkendeı, Túrkistan qalasyndaǵy «Jeńis» saıabaǵynda uly Abaıdyń 175 jyldyq merekesine oraı «Adamzattyń Abaıy» atty merekelik is-shara ótti. Uıymdastyrýshy - oblystyq Qoǵamdyq damý basqarmasyna qarasty «Jastar resýrstyq ortalyǵy».
«Іs-shara barysynda basqarma qoldaýymen Abaı esimdi 10 jastaǵy birqatar jasóspirimge arnaıy syılyqtar tabys etildi», - delingen aqparatta.
«Jas urpaqqa Abaıdyń uly beınesin, ónegeli ómiri men shyǵarmashylyǵyn nasıhattaý – bizge paryz. Abaı esimin kóterip júrý – úlken jaýapkershilik. Oblysymyzdaǵy Abaı esimdi jastar bul jaýapkershilikti kóterip júre alady dep senemin», – dedi Qoǵamdyq damý basqarma basshysynyń orynbasary Dáýren Sarıev.
Shara barysynda Túrkologııa ǵylymı zertteý ınstıtýtynyń ǵylymı qyzmetkeri, fılologııa magıstri Roza Jumabaıqyzy «Abaıdyń kisilik kelbeti» týraly baıandama oqyp, osy kúnge deıin uly aqyn týraly jazylǵan qundy maqalalarǵa sholý jasady.
«Al jas aqyndar Abaıǵa arnalǵan júrekjardy óleńderin oqyp, kórkemsóz oqý sheberleri aqynnyń jyrlaryn naqyshyna keltire jurt nazaryna usyndy.
Sondaı-aq, mereke kezinde halyq arasynda keń taralǵan Abaı ánderi shyrqaldy. Máselen, Qojahmet Amanbaev «Segiz aıaq» ánin, Meırambek Myrzahmetov «Kózimniń qarasy» ánin tamyljyta oryndap, kelgen qonaqtarǵa erekshe serpilis syılady», - dedi Óńirlik kommýnıkatsııalar ortalyǵynan.
Aıta keteıik, Qazaqstanda 10 tamyz – Abaı kúni bolyp belgilendi.